From Wikipedia, the free encyclopedia
عباس محمود العقاد ( اسوان, مصر, 1889- القاهره,1964) اديب ومفكر و صحفى و شاعر مصرى[10]
| ||||
---|---|---|---|---|
معلومات شخصيه | ||||
الميلاد | 28 يونيه 1889 [1][2][3][4] | |||
الوفاة | 13 مارس 1964 (75 سنة)[1][3] | |||
مواطنه | امبراطوريه عثمانيه (1889–1914) السلطنه المصريه (1914–1922) المملكه المصريه (1922–1953) جمهورية مصر (1953–1958) الجمهوريه العربيه المتحده (1958–1964)[6] | |||
عضو فى | مجمع اللغه العربيه بدمشق | |||
الحياه العمليه | ||||
المهنه | كاتب ، ومؤرخ ، وصحفى ، وشاعر [7]، وفيلسوف | |||
اللغات المحكيه او المكتوبه | عربى [8] | |||
اتأثر بـ | توماس كارليل [9]، ومحمد عبده ، وسعد زغلول | |||
الجوايز | ||||
جايزة الدوله التقديريه (1959) | ||||
تعديل مصدري - تعديل |
اتولد عباس العقاد فى اسوان فى جنوب مصر, لاب مصرى و والدته من اصول كرديه.[11] و بعد ما خلص المدرسه الابتدائى اشتغل فى وظيفه كتابيه و بعدين سابها و اهتم بتثقيف نفسه بنفسه بالقرايه و اشتغل فى الصحافه. فى سنه 1916 نشر ديوان شعرى و بعد كده اتوالت مجموعاته الشعريه " وحى الاربعين ", و " هديه الكروان ", و " عابر سبيل ", و " اعاصير مغرب ". و فى سنه 1921 اصدر مع ابراهيم عبد القادر المازنى كتاب نقدى عنوانه " الديوان ".
انتاج العقاد النثرى الاولانى غلب عليه طابع المقاله زى " الفصول ", و " مطالعات فى الكتب و الحياه ", و " مراجعات فى الاداب و الفنون ", و بعدين اتجه لكتابه سير اعلام الاسلام بطريقه رسم الشخصيات فكتب " عبقريه محمد ", و " عبقريه عمر ", و " عبقريه خالد " و غيرها, و كتب روايه واحده اسمها " ساره ", و بعدين اتجه للدين و الفلسفه فكتب " الله ", و " الفلسفه القرآنيه ", و دخل فى مجادلات مع المستشرقين و خصوم الاسلام فى " حقائق الاسلام و اباطيل خصومه ", و " ما يقال عن الاسلام ".
العقاد كان غزير الانتاج و كتب اكتر من تمانين مؤلف زائد مقالات كتيره. فى سنه 1936 كتب سيره الزعيم سعد زغلول. ظهرت عنه بحوث كتيره اهمها كتاب الفوه تلامذته و كتاب للدكتور شوقى ضيف اسمه " مع العقاد ".
العقاد اعتبر الادب العربى متواضع و مش متحضر و فى رايه ان السبب فى كده هى البصمه الابديه اللى فى الادب العربى من ايام العصر الجاهلى. و لاحظ العقاد و انتقد غياب التراث الفنى فى مجال الفنون البصريه فى الثقافه العربيه, فالعرب قدمو زخارف هندسيه لكن ما قدموش حاجه تقريباً فى فنون العماره و البنا, ففى رايه ان الفن البصرى العربى بيتسم بالزخرفه لمجرد الزخرفه اللى مالهاش صله بالحياه.
اشتهر العقاد باسلوبه الجاف فى الكتابه و فى معامله الكتاب و المفكرين فى وقته, و دخل فى مناوشات فكريه مع عميد الادب طه حسين اللى قال عن العقاد انه هوه شخصى ما بيفهمش اللى بيكتبه, و مع المفكر سلامه موسى اللى هاجمه العقاد بسبب دعوته للتطور و التمدين.
عباس محمود العقاد كان ليه موقف مشرف لما قامت حمله ضد المفكر على عبد الرازق و كتابه " الاسلام واصول الحكم " و دافع عن الحريه الفكريه و كتب فى جورنال " البلاغ " بتاريخ 20 يوليه 1925 مقاله بعنوان "روح الاستبداد فى القوانين و الآراء " قال فيها انه خايف تكون روح الاستبداد انتشرت بين جوانب من الراى العام فنست الناس ان الحريه الفكريه ليها حرمه و ان الباحثين ليهم حقوق".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.