![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/LittleArmeniaPrincipality_of_AntiochTripoli-Arabic.jpg/640px-LittleArmeniaPrincipality_of_AntiochTripoli-Arabic.jpg&w=640&q=50)
غزو انطاكيا (1268)
From Wikipedia, the free encyclopedia
غزو انطاكيا (1268) ، هجوم عسكرى كبير شنه الظاهر بيبرس على امارة انطاكيا سنة 1268 انهى بيه الوجود الفعلى للاماره و حكم الامرا النورمان اللى استولو عليها بقيادة بوهيموند الاول سنة 1098 وقت الحمله الصليبيه الاولى و ارتكبوا فيها فظايع و مدابح فظيعه ضد المسلمين. انطاكيا كانت اول اماره يأسسها الصليبيين فى الشرق.
حصار أنطاكية (1268) | |||||||
---|---|---|---|---|---|---|---|
جزء من الحملات الصليبية | |||||||
مذبحة السكان الأنطاكيين، على ايد الصليبيين سنة 1098 | |||||||
معلومات عامة | |||||||
|
|||||||
المتحاربون | |||||||
![]() |
![]() | ||||||
القادة | |||||||
الظاهر بيبرس | بوهيموند الساتت سيمون مانسيل | ||||||
القوة | |||||||
قُرابة الـ15,000 | قُرابة الـ7,500 | ||||||
الخسائر | |||||||
مش معروف | مش معروف | ||||||
![]() | |||||||
تعديل ![]() |
فى فترة العصور الوسطى ابتلت مصر و منطقة الشرق الاوسط بعدوين كبار واحد من الغرب بقيادة الكنيسه اللاتينيه و ملوك الغرب ، و التانى من ناحية الشرق على شكل جيوش مغوليه جراره اجتاحت البلاد و افنت العباد و كان من اكبر ضحاياها دولة الخوارزميه و مدينة بغداد عاصمة الخلافه العباسيه.
قدر الصليبيين انهم يستولو على بيت المقدس و انشأوا مملكه فى الشام سموها مملكة بيت المقدس ، حدودها من ناحية مصر كانت لغاية غزه ، و فضلو مسيطرين عليها لغاية ما قدر صلاح الدين الأيوبى من هزيمة جيوشهم فى معركه كبيره اتعرفت باسم معركة حطين و اللى كان من نتايجها ان المملكه دى ما فضلش منها مش شوية مدن على ساحل الشام زى عكا و يافا و بيروت و غيرها و بقى ملكها الاسمى قاعد فى قبرص مش فى القدس.
المغول من جهتهم استولو على بغداد و دخلو سوريا و اخدو دمشق و كانو ناويين يروحو على مصر لكن طلع لهم قطز سلطان مصر و غلبهم فى معركه تاريخيه مصيريه اتسمت معركة عين جالوت كان من نتايجها استرداد سوريا و انكماش المغول ورا نهر الفرات.
لكن هزيمة الصليبيين فى حطين و هزيمة المغول فى عين جالوت ما قضوش على اخطار القوتين دول بالكامل ، بالعكس فضلو متربصين بالمنطقه و مستنيين فرصه عشان ينقضو عليها تانى. اخطر حاجه كانت ممكن تحصل فى الظروف دى ان القوتين دول يتحالفو مع بعض و يضربو الشرق الاوسط من جهتين.
مع مرور الايام و اشتداد ضراوة الحرب بين الصليبيين و المسلمين تسامح صلاح الدين الأيوبى اختفى و بقت الحرب بالنسبه للمسلمين مسألة حياه او موت تحت هجمات شرسه من الصليبيين و المغول. لما وصل الظاهر بيبرس للحكم كان عليه ان يمنع القوتين دول من التحالف و اضعاف و جودهم فى المنطقه. بيبرس ايام ما كان لسه امير شارك فى معركة المنصوره و لعب دور كبير فى هزيمة قوات لويس التاسع وقت الحمله الصليبيه السابعه و هو اللى دخل الفرسان الصليبيه فى مصيدة المنصوره و قضى عليهم ، و فى معركة عين جالوت دوره برضه كان كبير و حاسم انه هو اللى قاد طلايع الجيش المصرى و دخل الجيش المغولى فى كمين عين جالوت اللى قضى عليه و هو اللى طارد القوات المغوليه اللى هربت من المعركه فى اتجاه سوريا.
![Thumb image](http://upload.wikimedia.org/wikipedia/commons/thumb/2/23/CrusaderAtrocitiesBibliothequeNationaleDeFrance.jpg/640px-CrusaderAtrocitiesBibliothequeNationaleDeFrance.jpg)
![Thumb image](http://upload.wikimedia.org/wikipedia/commons/thumb/e/eb/LittleArmeniaPrincipality_of_AntiochTripoli-Arabic.jpg/320px-LittleArmeniaPrincipality_of_AntiochTripoli-Arabic.jpg)