![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/Somer_Francis_Bacon.jpg/640px-Somer_Francis_Bacon.jpg&w=640&q=50)
فرانسيس بيكون
From Wikipedia, the free encyclopedia
فرانسيس بيكون Francis Bacon ( لندن ، 22 يناير 1561 - هايجيت ، شمال لندن ، 9 ابريل 1626 ) ، بيتسمى كمان بيكون التانى بعد روچر بيكون. فيلسوف و اديب انجليزى. مؤسس النزعه التجريبيه الحديثه فى العلم و الفلسفه. الف كتاب " نوفوم اورجانوم " ( الوسيله الجديده ) Novum Organum ، و عارض فيه منطق اريسطو و منهجه فى القياس. اسس دعائم المنهج الاستقرائى الحديث و نادى بالرجوع للحقايق الطبيعيه من غير محاولة استباقها بالعقل او الخيال. كتب مقالات كتيره بتُعتبر من اروع تراث الادب.
| ||||
---|---|---|---|---|
(بالانجليزى: Francis Bacon)[1][2] ![]() | ||||
![]() | ||||
معلومات شخصيه | ||||
الميلاد | 22 يناير 1561 [3][4] ![]() | |||
الوفاة | 9 ابريل 1626 (65 سنة)[6][4][7][8] ![]() | |||
سبب الوفاة | التهاب رئوى ![]() | |||
مواطنه | ![]() ![]() | |||
عضو فى | جرايز اين ![]() | |||
الاب | نيتشولاس باكون [9][10] ![]() | |||
الام | ان باكون [9][10] ![]() | |||
اخوه و اخوات | ||||
الحياه العمليه | ||||
المدرسه الام | ترينيتى كوليدچ (كامبريدج) جامعة بواتييه ![]() | |||
اتعلم عند | جون وايتجيفت ![]() | |||
المهنه | كاتب [8][11]، وقاضى ، وسياسى [8]، ومحامى [12]، ومؤرخ [13] ![]() | |||
اللغات المحكيه او المكتوبه | لاتينى [14]، وانجليزى [15][16] ![]() | |||
مجال العمل | فلسفه [17]، وسياسى ، والتجريبيه [17]، وسياسه [17]، وعلم [17]، وتاريخ [17] ![]() | |||
بداية فترة العمل | 1576[18] ![]() | |||
التيار | التجريبيه ![]() | |||
التوقيع | ||||
![]() | ||||
تعديل مصدري - تعديل ![]() |
![Thumb image](http://upload.wikimedia.org/wikipedia/commons/thumb/1/11/Francis_Bacon%2C_Viscount_St_Alban_from_NPG_%282%29.jpg/640px-Francis_Bacon%2C_Viscount_St_Alban_from_NPG_%282%29.jpg)
![Thumb image](http://upload.wikimedia.org/wikipedia/commons/thumb/4/46/Francis_Bacon_Signature.svg/220px-Francis_Bacon_Signature.svg.png)
فرانسيس بيكون كان محامى و سياسى الف سنة 1605 كتابين عن الوسايل اللى ممكن بيها تتقدم المعارف البشريه ، دعا فيها لضرورة استخدام التجربه بإعتبارها اساس المعرفه. من اقواله " الانسان خادم الطبيعه و مفسرها " و " فيه أدله بتدل على ان فى جوف الطبيعه لسه فيه اسرار كتيره ليها قيمه عظيمه، و مابتشبهش و لا قريبه من اللى احنا بنعرفه دلوقتى ، و هى بعيده عن خيالنا و لسه مانعرفش اسرارها لغاية دلوقتى".
بيكون نادى بإستخدام التجربه و جمع التجارب و تدوينها لاستخراج النتايج منها و اقترح انشاء كليه سماها " بيت سليمان " تتجمع فيها كل طوايف العلما لعمل الدراسات و التجارب. و ان يكون فى الكليه دى الات و اجهزه و اللى بيشتغلو فيها يطلع لهم دخل و ياخدو اجازات طويله عشان يقدرو يسافرو فى بلاد و مناطق العالم يجمعو منها معلومات تزود معارفهم.
مع ان روچر بيكون (بيكون الاول ) كان راهب و عاش فى العصور الوسطى و فرانسيس بيكون ( بيكون التانى ) كان سيكولارى مش راجل دين و عاش فى عصر النهضه لكن ليهم اقوال و اراء متشابه زى الدعوه لاستخدام التجربه المباشره بدل القياس المنطقى. الاتنين ما يعتبروش علما بالمعنى بتاع دلوقتى لكن دعو للمذهب العلمى القايم على التجربه.