منجم
From Wikipedia, the free encyclopedia
المنجم هوا المكان اللى بيتم فيه استخراج المعادن الثمينه او المواد الجيولوجيه التانيه من الارض و اللى بتكون فى الغالب بشكلها الخام و المواد دى بتشكل سلع معدنيه ليها فايده اقتصاديه.[1]
عمليه استخراج المواد من المنجم بتتسمى بالتعدين و بتشمل الخامات اللى ممكن استخراجها عن طريق التعدين المعادن و الفحم و الصخر الزيتى و الاحجار الكريمه و الحجر الجيرى و الطباشير و الملح الصخرى و البوتاس و الحصى و الطين.
التعدين مطلوب للحصول على اى ماده مش ممكن زراعتها من فى العمليات الزراعيه او انشاؤها بشكل مصطنع فى المختبر او المصنع, بيشمل التعدين بمعنى اوسع استخراج اى مورد مش متجدد زى البترول او الغاز الطبيعى او لحد الميه.
بتتضمن عمليات التعدين الحديثه التنقيب عن اجسام الخام و تحليل امكانات الربح من المنجم المقترح و استخراج المواد المطلوبه و الاستصلاح النهائى للارض بعد قفل المنجم.
فى العاده عمليات التعدين بتاثر بشكل سلبى على البيئه وقت نشاط التعدين و بعد قفل المنجم و عشان كده اصدرت معظم دول العالم لوايح لتقليل التأثير.