![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0d/Persian_Gulf_map.png/640px-Persian_Gulf_map.png&w=640&q=50)
منطقة الخلیج الفارسیه
From Wikipedia, the free encyclopedia
منطقه الخليج الفارسيه, بلاد عربيه فى الخليج الفارسى (انجليزى:Arab states of the Persian Gulf ) هى منطقه جغرافيه بتطل على الخليج الفارسى من جهة الغرب. بتشمل المنطقه بلاد بيسكنها العرب زى السعوديه و الامارات و عمان و الكويت البحرين و قطر. بتعتبر ثقافة و اثنية المنطقه هوموجينيه، و بيحكم معظمها شيوخ بيتسموا ساعات امرا. اكتشف الغربيين البترول فى المنطقه دى و استخرجوه لاستخدامه كمصدر للطاقه. بعد حرب اكتوبر سنة 1973 بين مصر و اسرائيل ارتفعت اسعار البترول فى الاسواق العالميه و اتغنت المنطقه من الدخل اللى بيجيبه و اتبنت فيها عمارات و شوارع و مرافق حديثه بعد ما كانت قبل كده مجتمعات صحراويه بيعيش عدد كبير من سكانها فى الخيام و بيتنقلوا بالجمال. غالبية المنطقه عباره عن صحرا مبنيه وسطها مدن. المصدر الرئيسى لدخل المنطقه هو البترول اللى بيعتبر مصدر اقتصادى احادى و اللى عن طريق بيعه بيتم استيراد بضايع اجنبيه و استقدام عماله من بره المنطقه لتعميرها و فى بلاد زى مشيخة قطر و الكويت عدد الاجانب اللى عايشين هناك اكتر من السكان الاصليين . بيشتهر رجالة المنطقه بلبس العقالات و الجلاليب و الستات بتغطية الوشوش بالنقاب.
![Thumb image](http://upload.wikimedia.org/wikipedia/commons/thumb/0/0d/Persian_Gulf_map.png/320px-Persian_Gulf_map.png)
الثراء المفاجىء نتيجه لإكتشاف البترول فى منطقة الخليج الفارسيه كان ليه جنب النتايج الإقتصاديه الإيجابيه كمان تأثيرات سلبيه على المنطقه بسبب البترول بقت كمان مهمه بالنسبه للقوى الخارجيه و حط الغربيين فى مناطق فيها قواعد عسكريه لحماية مصالحهم ، و اتعرضت المنطقه لمحن عسكريه كبيره بطريقه مباشره و غير مباشره زى حرب الخليج الفارسى الآولانيه بين العراق و ايران و غزو العراق للكويت و بعدين غزو امريكا للعراق و المشاكل القايمه ما بين ايران و الغرب. فى بدايات 2011 ابتدت المشاكل الاثنيه و الاجتماعيه تنخر فى المنطقه و اتعرضت البحرين لأحداث عنف خطيره لسه نتايجها ما اكتملتش.