From Wikipedia, the free encyclopedia
نبيل فاروق (9 فبراير 1956 - 9 ديسمبر 2020)، كاتب مصرى معروف مشهور بالادب البوليسى والخيال العلمي. عمل مجموعة روايات كبيرة اوى كانت فى شكل قصص جيب واتعامل مع مؤسسات نشر مختلفة اكترهم الموسسة العربية الحديثة عمل سلاسل قصصية من اشهرها ملف المستقبل، و رجل المستحيل، وكوكتيل 2000. رواياته قابلت نجاح كبير عند المصريين و العرب بالذات الشباب والمراهقين.
| ||||
---|---|---|---|---|
معلومات شخصيه | ||||
اسم الولاده | (بالعربى: نبيل فاروق رمضان بيومي رمضان) | |||
الميلاد | 9 فبراير 1956 | |||
الوفاة | 9 ديسمبر 2020 (64 سنة)[1] | |||
مكان الدفن | القاهره | |||
مواطنه | جمهورية مصر (1956–1958) الجمهوريه العربيه المتحده (1958–1971) مصر (1971–2020) | |||
عدد الاولاد | ||||
الحياه العمليه | ||||
المدرسه الام | جامعة طنطا (التخصص:طب ) (الشهادة:بكالوريوس الطب والجراحه ) (–1980) | |||
تخصص اكاديمى | طب | |||
شهاده جامعيه | بكالوريوس الطب والجراحه | |||
المهنه | روائى ، وكاتب ، وسيناريست | |||
اللغه الام | عربى | |||
اللغات المحكيه او المكتوبه | عربى | |||
تعديل مصدري - تعديل |
اتولد فى 9 فبراير سنة 1956م فى مدينة طنطا ، كبر فى عيلة من الطبقة المتوسطة. بعد ما اخد شهادة الثانوية العامة راح لكلية الطب فى طنطا واتخرج منها بدرجة بكالوريوس فى الطب والجراحة سنة 1980. فى 2 مارس 1982، سافر لقنا فى دورة تدريبة لمدة شهرين، و بعد ما نجح فى الامتحان الإدارى سافر لأبو دياب عشان يبدأ شغله كدكتور . فى سنة 1985، اتجوز الدكتورة ميرفت راغب، وخلف منها اطفاله الثلاثة: شريف، ريهام ونورهان. و بعد ما نجت سلسلة رجل المستحيل و ملف المستقبل ، اعتزل الدكتور مهنة الطب عشان يتفرغ للكتابة كمهنته الرئيسية، وسافر للعيش فى منشية البكرى بمحافظة القاهرة فى اغسطس سنة 1990
دكتور نبيل فاروق بيحب تنس الطاولة و بيتفرج على كتير من الافلام السينمائية العربية والأجنبية، وبيففضل افلام الخيال العلمى الراقية بالذات اللى فيها نظرة فلسفية خاصة او نظرة اجتماعية صادقة. دكتور نبيل كسب بالكتير من الاصحاب والعلاقات سواء فى إدارة المخابرات المصرية او غيرها من المؤسسات الحكومية والطبية والعلمية والأدبية.
بدأ نبيل فاروق اهتمامه بالقراية من طفولته، و كان والده بيشجعه على كده. ابتدا محاولات الكتابة فى المدرسة الإعدادية. وانضم لجماعة الصحافة والتصوير والتمثيل المسرحى فى المدرسة الثانوية. قبل تخرجه من كلية الطب بسنة واحد اخد جايزة من قصر ثقافة طنطا عن قصة "النبوءة"، وده فى سنة 1979، والى بقت بعد كدة الحكايه الأولى فى سلسلة كوكتيل 2000.
بداية التحول الكبير فى حياة نبيل فاروق الادبية كانت فى سنة 1984 لما اشترك بمسابقة للمؤسسة العربية الحديثة بمصر و كسب بجايزتها عن قصته اشعة الموت والى اتنشرت فى العام الى بعده كأول عدد من سلسلة ملف المستقبل.
فى نفس الفترة برضه ، كانت علاقة نبيل فاروق بإدارة المخابرات المصرية اتعمقت بشكل كبير، و ده سمحله بمقابلة ضابط مخابرات مصري، اخد منه شخصية "أدهم صبرى" فى سلسلة رجل المستحيل اللى نجحت جامد .
فى شهر اكتوبر سنة 1998، كسب الدكتور نبيل فاروق بالجايزة الأولى فى مهرجان ذكرى حرب اكتوبر عن قصة "جاسوس سيناء: أصغر جاسوس فى العالم". ومن مدة، قام قسم دراسات الشرق الوسطانى فى جامعة ڤيرچينيا الامريكية بعمل موقع خاص للدكتور نبيل فاروق.
نبيل فاروق بيكتب صفحتين بشكل شهرى بمجلة الشباب القومية (مملوكة لمؤسسة الاهرام الصحفية الحكومية) من اكثر من 10 سنين و بيكتب بشكل أسبوعى بجرنال الدستور (المصرية-مستقلة-ليبرالية) الاصدار الثاني.
شارك فى مجلة (العيلة العصرية) ومجلة (الشباب) وملحق (صبيان وبنات) الى بيتعمل مع جورنال (أخبار اليوم)، ومجلة (باسم). و تختلف المشاركات دى ما بين الحلقات المسلسلة لخفايا عالم المخابرات وقصصه الحقيقية، لحد المقالات العلمية بكل انواعها.
اتعمله له ضمن المؤسسة العربية الحديثة:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.