From Wikipedia, the free encyclopedia
يوهان جوتفريد هيردر Johann Gottfried Hereder ( موهرونجن ، المانيا ، 25 اغسطس 1744 - ويمار ، المانيا ، 18 ديسمبر 1803 ) فيلسوف و اديب و ناقد ادبى و لغوى المانى بيعتبر مؤسس المدرسه الالمانيه فى علم التاريخ. كان فى الاصل اديب و ناقد ادبى بيحتل مكانه كبيره فى تاريخ الادب الالمانى و كان صديق مقرب لجوته. تكوينه الفكرى كان لاهوتى كلاسيكى.
| ||||
---|---|---|---|---|
(بالألمانى: Johann Gottfried Herder) | ||||
، و، و | ||||
معلومات شخصيه | ||||
الميلاد | 25 اغسطس 1744 [1][2][3][4][5][6][7] | |||
الوفاة | 18 ديسمبر 1803 (59 سنة)[1][2][4][5][6][8][9] | |||
مكان الدفن | كنيسه سان بطرس وبولس | |||
مواطنه | مملكة بروسيا [13] | |||
عضو فى | الاكاديميه البروسيه للعلوم | |||
ابناء | سيجموند اوجست وولفجانج فون هيردر | |||
الحياه العمليه | ||||
المدرسه الام | جامعة كونيجسبرج | |||
المهنه | فيلسوف [1][12][7]، وشاعر [14][12]، وكاتب [1][14][7][15] | |||
اللغات المحكيه او المكتوبه | لغه المانى [16][17] | |||
مجال العمل | فلسفه سياسيه | |||
اتأثر بـ | ايمانويل كانط ، واسبينوزا ، وجيوردانو برونو ، ولايبنيتس ، ويوهان جورج هامان | |||
التيار | عصر التنوير | |||
تعديل مصدري - تعديل |
يوهان جوتفريد هيردر كان من اللى اسسو حركة الاقتحام و الاندفاع Sturm und Drang اللى ليها اثر كبير فى تاريخ الفكر الجرمانى لكن اتجه للتاريخ و الف كتب بتعتبر من اهم كتب علم التاريخ الحديث و بالذات كتابه " افكار فى فلسفة تاريخ البشر " Ideen zur Philosophie der Egeschite der Menschheit و رسالته " كمان فلسفه لتاريخ بناء الانسانيه " Auch eine geschichte zur bildung der Menschheit . لكن لانه كان مفكر موسوعى و ليه اراء كتيره فى التاريخ و الادب و علم اللغه و الدراسات القديمه اراءه و افكاره متناثره.
بتقوم فلسفة التاريخ عند هيردر على رأيه فى ان لازم ندرس الماضى عشان نفهم مشاكل النهارده و بكره و بيعتقد إن المجتمعات الانسانيه زى المخلوقات الحيه ليها طفوله و صبا و شيخوخه و بيقول إن المؤرخ لازم " يحس " بالعصر اللى بيأرخ ليه احساس مباشر و ابتكر كلمه المانيه بالخصوص ده هى " Einfuehlen " و شرح ان الاحساس المباشر عباره عن حاسه تاريخيه و عشان كده لفظ الاحساس Das Gefuehle ليه معنى معين عنده ، و المؤرخ الحقيقى عند هيردر هو الكاتب اللى بيقدر يكون فكره او صوره عامه Gestalt عن العصر او الشخص او الظاهره اللى بيكتب عنها ، و حاول يثبت فى كتابه " افكار عن فلسفة تاريخ الانسانيه " ان التاريخ بيخضع لقوانين زى أى حاجه فى الطبيعه و إن التاريخ بيمشى لقدام فى خط واحد ، و اتكلم عن حاجه سماها " التوازن الجوانى للجماعات " و وضح إن كل جماعه حيه سليمه لازم تحافظ على التوازن ده لان الاضطرابات و الفوضى و عهود الاستبداد و القهر و التخلف بتنتج عن فقدان التوازن. هيردر كان بيؤمن كمان بإن الانسانيه فى يوم من الايام حاتوصل عن طريق العقل و التجربه لحالة توازن تستقر معاها اسس العداله و النظام.
هيردر بأراءه و افكاره و كتاباته فتح عصر جديد فى تاريخ العلم التاريخى انتهى بإعتباره علم قايم بذاته و ليه اصوله و قواعده و دراساته الاكاديميه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.