ডিমিটাৰ
From Wikipedia, the free encyclopedia
ডিমিটাৰ (ইংৰাজী: Demeter) হৈছে প্ৰাচীন গ্ৰীচৰ কৃষিকাৰ্য আৰু শস্য চপোৱা কাৰ্যৰ দেৱী। তেওঁ ফচল আৰু পৃথিৱীৰ উৰ্বৰতাৰ অধিষ্ঠাত্ৰী। তেওঁক ছিট অৰ্থাৎ খাদ্য বা ফচলদাত্ৰী[1] আৰু থেচম'ফ'ৰিয়া অৰ্থাৎ দৈৱিক আইনৰ প্ৰদানকাৰী নামেৰে জনা যায়। কেৱল মহিলাসকলে পালন কৰা থেচম'ফ'ৰিয়া নামৰ উৎসৱ ডিমিটাৰৰ প্ৰতি উৎসৰ্গিত।[2]
ক্ষিপ্ৰ তথ্য ডিমিটাৰ, অন্য নাম ...
ডিমিটাৰ | |
---|---|
কৃষিকাৰ্য, শস্য চপোৱা, উৰ্বৰতাৰ দেৱী | |
অন্য নাম | ছিট', থেচম'ফ'ৰ'চ |
নিবাস | অলিম্পাচ পৰ্বত |
প্ৰতীক | ছাগলীৰ শিংসদৃশ প্ৰাচুৰ্যতাৰ প্ৰতীকবিশেষ, ঘেঁহু, জোঁৰ, পাওৰুটী |
সঙ্গী | লেছিয়ন, জ্যুচ, প'জাইডন |
পিতৃ-মাতৃ | ক্ৰ'নচ আৰু ৰীয়া |
সহোদৰ | হেষ্টিয়া, হীৰা, হেডিচ, প'জাইডন, জ্যুচ, চাইৰণ |
সন্তান | পাৰ্চিফোনি, ডেচপ'ইনা, এৰিয়ন, প্লুটাচ, ফিল'মেলাচ, আয়েকাচ |
ৰোমান সমাৰ্থক | চিৰিছ |
উৎসৱ | থেচম'ফ'ৰিয়া, ইলি |
বন্ধ কৰক
ডিমিটাৰক সাধাৰণতে শস্য চপোৱা কাৰ্যৰ দেৱী হিচাপে বৰ্ণনা কৰা হয় যদিও তেওঁ দৈৱিক আইন বা ধৰ্মীয় নীতি-নিয়ম, আৰু জীৱন আৰু মৃত্যুৰ চক্ৰৰ অধিষ্ঠাত্ৰী। সম্ভৱতঃ ১৪০০-১২০০ খ্ৰীষ্টপূৰ্ব অৰ্থাৎ মিচিনিয়ান কালৰ পৰাই চলি অহা প্ৰাচীন গ্ৰীচৰ এক অন্যতম ধৰ্মীয় পৰম্পৰা ইলুচিনিয়ান ৰহস্যত ডিমিটাৰ আৰু তেওঁৰ জীয়ৰী পাৰ্চিফোনি কেন্দ্ৰীয় চৰিত্ৰ।[3] এনাটলিয়াৰ দেৱী চিবিল আৰু ৰোমান দেৱী চিৰিছ ডিমিটাৰৰ সমকক্ষ।