From Wikipedia, the free encyclopedia
তাছি আৰু নুংচি মালিক (জন্ম ২১ জুন ১৯৯১)[1] হৈছে সপ্তশৃঙ্গ আৰোহণ কৰা আৰু উত্তৰ আৰু দক্ষিণ মেৰুত উপস্থিত হৈ দুঃসাহসী গ্ৰেণ্ড শ্লেম আৰু থ্ৰী পোলচ চেলেঞ্জ সম্পূৰ্ণ কৰা প্ৰথম যমজ ভগ্নীৰ এটি যুটি।
মালিক টুইনছ | |
---|---|
তাছি আৰু নুংচি মালিক হিমালয়ৰ পাদদেশত ট্ৰেকিং কৰি থকা অৱস্থাত | |
জন্ম | তাছি মালিক আৰু নুংচি মালিক ২১ জুন ১৯৯১ চোনিপত, হাৰিয়ানা, ভাৰত |
জনা যায় | সপ্তশৃঙ্গ আৰোহণ কৰা আৰু উত্তৰ আৰু দক্ষিণ মেৰুত উপস্থিত হৈ দুঃসাহসী গ্ৰেণ্ড শ্লেম আৰু থ্ৰী পোলচ চেলেঞ্জ সম্পূৰ্ণ কৰা প্ৰথম যমজ ভগ্নীৰ এটি যুটি। |
ৱেবছাইট | |
nungshitashi |
মালিক যমজ কন্যা তাছি আৰু নুংচি ভাৰতৰ হাৰিয়ানা ৰাজ্যৰ বাসিন্দা।[2] তেওঁলোকৰ জন্ম হাৰিয়ানাৰ চোনিপত জিলাৰ এজন ভাৰতীয় সেনা বিষয়া কৰ্ণেল বীৰেন্দ্ৰ সিং মালিক আৰু তেওঁৰ পত্নী অঞ্জু থাপাৰ ঘৰত হৈছিল। কৰ্ণেল মালিকৰ ভাৰতীয় সেনাৰ পৰা অৱসৰৰ পিছত তেওঁলোকৰ পৰিয়ালে ডেৰাডুনত বসতি স্থাপন কৰে।[3]
দুয়ো কন্যাই মধ্য প্ৰদেশ, উত্তৰ প্ৰদেশ, উত্তৰাখণ্ড, তামিলনাডু, কেৰালা আৰু মণিপুৰ ৰাজ্যৰ কেইবাখনো বিদ্যালয়ত অধ্যয়ন কৰিব লগা হৈছিল, ইয়াৰাৰ ভিতৰত ওটাকামুণ্ডৰ ওচৰৰ লৰেন্স স্কুল অন্যতম। ২০১৩ চনত তেওঁলোকে ছিকিম মণিপাল বিশ্ববিদ্যালয়ৰ পৰা সাংবাদিকতা আৰু গণ সংযোগ বিভাগত স্নাতক ডিগ্ৰী সম্পূৰ্ণ কৰে। তেওঁলোকে আমেৰিকা যুক্তৰাষ্ট্ৰৰ ভাৰমণ্টৰ স্কুল অফ ইণ্টাৰনেচনেল ট্ৰেইনিংৰ পৰা শান্তি আৰু সংঘাত সমাধানৰ প্ৰমাণপত্ৰ লাভ কৰিছিল। ২০১৫ চনত যমজ ভগ্নীদ্বয়ে নিউজিলেণ্ডৰ ইনভাৰকাৰগিলৰ চাউদাৰ্ণ ইনষ্টিটিউট অফ টেকন'লজীৰ পৰা স্প'ৰ্ট এণ্ড এক্সাৰচাইজত স্নাতক ডিগ্ৰী লাভ কৰে।[4][5]
মালিক ভগ্নীদ্বয়ে ২০১০ চনত নেহৰু ইনষ্টিটিউট অৱ মাউণ্টেনিয়াৰিংত প্ৰশিক্ষণ লৈছিল।[3] ২০১৩ চনৰ ১৯ মে' দেওবাৰে তেওঁলোকে মাউণ্ট এভাৰেষ্ট আৰোহণ কৰিছিল আৰু এনে সফলতা অৰ্জন কৰা প্ৰথমটি যমজ ভগ্নীৰ যুটি হিচাপে পৰিগণিত হয়।[6][7] আৰোহণকালত তেওঁলোকৰ সৈতে চামিনা বেগে যোগদান কৰিছিল আৰু তেওঁলোকে শান্তিৰ প্ৰতীক হিচাপে এভাৰেষ্টৰ শৃংগত ভাৰত আৰু পাকিস্তানৰ পতাকা একেলগে উৰুৱাই।[8][9][10]
যমজ কন্যা দুগৰাকীয়ে 'ক্লাইম্বথন ২০১৩'ত অংশগ্ৰহণ কৰিছিল। ইয়াত তেওঁলোকে ২০১৩ চনৰ আগষ্টত ইণ্ডিয়ান মাউণ্টেনিয়াৰিং ফাউণ্ডেচনৰ দ্বাৰা পুঁজি যোগান ধৰা ২১০০০ ফুট উচ্চতাত এটা কুমাৰী শৃংগ আৰোহণ কৰিছিল। তেওঁলোক হৈছে সপ্তশৃংগ আৰোহণ কৰা, এক্সপ্ল'ৰাৰ গ্ৰেণ্ড শ্লেম সম্পূৰ্ণ কৰা প্ৰথম মহিলা যমজ যুটি আৰু তিনিটা মেৰুৰ প্ৰত্যাহ্বান সম্পূৰ্ণ কৰা আটাইতকৈ কম বয়সীয়া ব্যক্তি।[11] ২০১৪ চনৰ ১৬ ডিচেম্বৰত এণ্টাৰ্কটিকাত মাউণ্ট ভিনছন আৰোহণ কৰাৰ লগেলগে তেওঁলোক একেলগে সপ্তশৃংগ আৰোহণ কৰা বিশ্বৰ প্ৰথম যমজ সন্তান আৰু বাই-ভনী হিচাপে পৰিগণিত হয়।[12][13]
২০১৩ চনৰ ১৯ মে'ত মাউণ্ট এভাৰেষ্ট আৰোহণ কৰাৰ পিছত তেওঁলোকে মাত্ৰ দুবছৰৰ ভিতৰত ১৫ জুলাই ২০১৫ তাৰিখে এক্সপ্ল'ৰাৰ গ্ৰেণ্ড শ্লেম সম্পূৰ্ণ কৰে।[14] এক্সপ্ল'ৰাৰ গ্ৰেণ্ড শ্লেম সম্পূৰ্ণ কৰা তেওঁলোক প্ৰথম ভাৰতীয় আৰু দক্ষিণ এছিয়াৰ লোক।[15] ২০১৫ চনৰ ডিচেম্বৰত যমজ কন্যা দুগৰাকীয়ে আওৰাকি (মাউণ্ট কুক) নিউজিলেণ্ডৰ আটাইতকৈ ওখ শৃংগটো আৰোহণ কৰি এনে কৰা প্ৰথম মহিলা যমজ সন্তান হিচাপে পৰিগণিত হয়। [16] ২০১৯ চনৰ ছেপ্টেম্বৰমাহত নুংচি আৰু তাছিয়ে বিশ্বৰ আটাইতকৈ কঠিন দৌৰত ভাৰতীয় 'খুকুৰি ৱাৰিয়ৰ্ছ'ৰ নেতৃত্ব দিছিল: ইকো-চেলেঞ্জ ফিজি যিয়ে ৩০খন দেশৰ দুঃসাহসিক খেলুৱৈৰ ৬৬টা দলক প্ৰকৃতিৰ শক্তিৰ বিৰুদ্ধে আৰু ইজনে সিজনৰ বিৰুদ্ধে ৬৭১ কিলোমিটাৰ দুৰ্গম ফিজিয়ান ভূ-দৃশ্য, সাগৰ, নদী, হ্ৰদ আৰু জংঘল অতিক্ৰম কৰিছিল। তেওঁলোক এই গোলকীয় দুঃসাহসিক দৌৰত অংশগ্ৰহণ কৰা প্ৰথম আৰু একমাত্ৰ দক্ষিণ এছিয়ান ব্যক্তি।[17][18]
নং. | ফটো | শৃংগ | উচ্চতা | পৰ্বতমালা | মহাদেশ | আৰোহণৰ তাৰিখ |
---|---|---|---|---|---|---|
১ | এভাৰেষ্ট শৃংগ | 8,848 মিটাৰ (29,000 ফুট) | হিমালয় | এছিয়া | ১৯ মে', ২০১৩ | |
২ | একনকাগুয়া | 6,961 মিটাৰ (23,000 ফুট) | এণ্ডিচ | দক্ষিণ আমেৰিকা | ২৯ জানুৱাৰী, ২০১৪ | |
৩ | ডেনালি | 6,194 মিটাৰ (20,000 ফুট) | আলাস্কা | উত্তৰ আমেৰিকা | ৪ জুন, ২০১৪ | |
৪ | কিলিমাঞ্জাৰো | 5,895 মিটাৰ (19,000 ফুট) | ইষ্টাৰ্ণ ৰিফ্ট পৰ্বতমালা | আফ্ৰিকা | ১৫ জুলাই, ২০১৫ | |
৫ | মাউণ্ট এলব্ৰাছ | 5,642 মিটাৰ (19,000 ফুট) | ককেছাছ পৰ্বতমালা | ইউৰোপ | ২২আগষ্ট, ২০১৩ | |
৬ | ভিনচন মেচিফ | 4,892 মিটাৰ (16,000 ফুট) | চেণ্টিনেল ৰেঞ্জ | এণ্টাৰ্কটিকা | ১৪ ডিচেম্বৰ, ২০১৪ | |
৭ | পুংকাক জয়া | 4,884 মিটাৰ (16,000 ফুট) | ছুদিৰাম ৰেঞ্জ | অষ্ট্ৰেলিয়া | ১৯ মাৰ্চ, ২০১৪ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.