![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a9/Mahavidyas.jpg/640px-Mahavidyas.jpg&w=640&q=50)
মহাবিদ্যা
From Wikipedia, the free encyclopedia
মহাবিদ্যা বা দশমহাবিদ্যা হিন্দু ধৰ্মৰ দেৱী। দিব্য জননী পাৰ্বতী দেৱীৰ দহটি বিশেষ ৰূপৰ সমষ্টিগত নাম। এই সকল দেৱীৰ এটা ৰূপ হৈছে ভয়ংকৰ দেৱীমূৰ্তি, আৰু আনটো ৰূপ অপৰূপ সুন্দৰী দেৱী প্ৰতিমাৰ।[1]
![Thumb image](http://upload.wikimedia.org/wikipedia/commons/thumb/a/a9/Mahavidyas.jpg/640px-Mahavidyas.jpg)
মুণ্ডমালা তন্ত্ৰ অনুসৰি দশমহাবিদ্যা হৈছে কালী, তাৰা, ষোড়শী, ভৈৰৱী, ভুৱনেশ্বৰী, ছিন্নমস্তা, ধূমাৱতী, বগলা, মাতঙ্গী আৰু কমলাকামিনী। অৱশ্যে মহাবিদ্যাৰ সংখ্যা সম্পৰ্কীয় মতান্তৰ থকা দেখা যায়। আন এক সূত্ৰ মতে মহাবিদ্যাৰ সংখ্যা ১২। দুৰ্গা, কামাখ্যা আৰু অন্নপূৰ্ণাও মহাবিদ্যা। মালিনী বিজয় গ্ৰন্থ মতে, মহাবিদ্যা হৈছে কালী, নীলা, মহাদুৰ্গা, ত্বৰিতা, ছিন্নমস্তিকা, বাগ্বাদিনী, অন্নপূৰ্ণা, প্ৰত্যঙ্গিৰা, কামাখ্যাবাসিনী, বালা, মাতঙ্গী আৰু শৈলবাসিনী।[2]মহাবিদ্যা অভিধাটো মূলত সংস্কৃত শব্দ। সংস্কৃত মহা (অৰ্থাৎ মহৎ) আৰু বিদ্যা (অৰ্থাৎ প্ৰকাশ, ৰূপ, জ্ঞান বা বুদ্ধি) শব্দদুটিৰ সমষ্টিয়ে মহাবিদ্যা।[3] ইয়াৰ সৈতে কেতিয়াবা কেতিয়াবা সংখ্যাবাচক দহ শব্দটো যুক্ত হৈ থাকে। মহাবিদ্যাৰ বিকাশে শক্তিবাদৰ ইতিহাসৰ এক গুৰুত্বপূৰ্ণ অধ্যায়ক প্ৰতিনিধিত্ব কৰে কিয়নো ই শক্তিবাদত ভক্তিদিশৰ উত্থানক চিহ্নিত কৰে, যি ১৫০০ খ্ৰীষ্টাব্দত শীৰ্ষত উপনীত হৈছিল। পৌৰাণিক যুগত, প্ৰায় ৩-৪ শতিকাত, তত্ত্ববাদী আন্দোলনৰ ই এক নতুন ধাৰা আছিল য'ত সৰ্বোচ্চ সত্তাক মহিলা হিচাপে কল্পনা কৰা হৈছিল। [4]