especie d'inseutu From Wikipedia, the free encyclopedia
Aglais urticae ye una de les 143 especies que componen anguaño'l xéneru Aglais, incluyíu na familia Nymphalidae.[1] Ye una caparina de tamañu medianu y de colores naranxa y negru descrita por Carlos Linneo en 1758.[2] El so epítetu xenéricu fai referencia a una de les trés Cárites o Gracies —Áglae— de la mitoloxía griega. L'específicu, y tamién el nome vulgar, fai referencia a la ortiga.[3]
Aglais urticae | ||
---|---|---|
Clasificación científica | ||
Reinu: | Animalia | |
Filu: | Arthropoda | |
Subfilu: | Hexapoda | |
Clas: | Insecta | |
Orde: | Lepidoptera | |
Suborde: | Glossata | |
Infraorde: | Heteroneura | |
(ensin clasif.): | Ditrysia | |
Superfamilia: | Papilionoidea | |
Familia: | Nymphalidae | |
Subfamilia: | Nymphalinae | |
Tribu: | Nymphalini | |
Xéneru: | Aglais | |
Especie: |
A. urticae (Linneo, 1758) | |
Distribución | ||
Sinonimia | ||
ver testu | ||
Consultes | ||
[editar datos en Wikidata] |
Describiéronse 6 subespecies:
Nymphalis polychloros ye una especie asemeyada cola que puede tracamundiase.
Son caparines medianes, de 4 a 5 cm de valumbu, les femes mediu centímetru más que los machos. L'anversu o cara cimera de les ales son d'un tonu naranxa con manches negres. L'aviesu ye de color mariellu maciu y negru xaspiáu de marrón. Dambos sexos tienen un diseñu y coloríu bien asemeyáu.
Ales anteriores y posteriores colos cantos irregulares. Pel anversu, los márxenes son de color ocre y marrón escuro con una llinia de pequeñes lúnules de color azul cobaltu na zona submarxinal. Metanes la celda de les ales anteriores apaez una mancha negra bien definíu y nel so estremu distal otra más grande que llega hasta la mariña que ye leonada. Nel ápiz hai otra mancha negra que s'estiende dende V5 hasta'l berbesu y una pequeña mancha blanca en contautu con aquella. Ente los trés manches negres hai dos zones marielles. La zona basal ye marrón y naranxa, con delles escames amarellentaes. La zona postdiscal, anaranxada, tien tres puntos negros en E1b, E2 y E3 y una mancha amarellentada en E1b. La subespecie A. u. ichnusa, endemismu insular de Córcega y Cerdeña, escarez d'estos puntos negros.[4][5]
Les ales posteriores tienen un diseñu más uniforme, coles zones basal y discal negres con escames y pelos de color ocre. Zona postdiscal naranxa intensu y una mancha amarellentada ente la mariña y l'ápiz.
L'aviesu de les anteriores tien la zona basal marrón escuro, según el primer terciu y el final de la celda. Ente medies una mancha amarellentada que contauta cola zona postdiscal que ye del mesmu color. Cerca del ápiz apaecen finos trazos escuros y na zona submarxinal una serie de lúnules azul turquesa. Les zones basal y discal de les posteriores son marrón escures separaes per una llinia quebrada negra de les zones postdiscal y marxinal que son más clares. La zona submarxinal tamién tien pequeñes lúnules azul turquesa.[6]
Ye una especie bivoltina (unvoltina nel estremu septentrional de la so área de distribución), con una primer xeneración que remanez de primeres de la primavera y otra a finales. Les femes depositen ente 150 y 250 güevos que eclosionen a los dos selmanes. Los pequeños canesbes son negres, porten numberosos escayos, y suelen vivir arrexuntaes en pequeños niales sedosos que les protexe de parásitos y predadores. Nesta etapa aliméntase d'ortigues (Urtica dioica, O. urens). Tres 40 o 45 díes d'alimentase, sale del nial y forma una crisálida colgada pámpana abaxo de la so planta nutricia o de plantes próximes. En remaneciendo, l'imagu apáriase y la nueva xeneración va desenvolvese mientres la primavera y branu, envernando como adultu pa reproducise na primavera siguiente.[7][8]
Habita los montes de ribera, escamplaes de monte, praos floríos, cercaníes de llamargues o fontes, cultivos de regadíu y, polo xeneral, zones con un llixeru índiz de mugor.[9]
Caparina migradora y cosmopolita puede atopase dende'l nivel del mar hasta los 2100 m d'altitú, dende l'oeste d'Europa —pudiendo ser la única caparina diurna qu'ocupa tola xeografía europea— hasta'l Pacíficu asiáticu.[10] Nun s'atopa nel norte d'África nin nos archipiélagos atlánticos (Azores, Madeira nin Canaries).[9][4][5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.