Aix galericulata ye una especie d'ave anseriforme de vivos colores de la familia Anatidae oriunda de China, Xapón y Siberia que s'introduxo en dellos puntos d' Europa y que ye mui apreciada pola so belleza, polo que tiénenla en numberosos parques de tol mundu. Reconócense delles subespecies.

21-01-2023 17:06
Datos rápidos Estáu de caltenimientu, Clasificación científica ...
Zarrar
Thumb
Pareya de coríos mandarín
Thumb
Güevos d'Aix galericulata - MHNT

Descripción

Elegante y de constitución robusta, pue llegar a midir 45 cm de llargor, presentando un dimorfismu sexual bien acusáu; namái paécense fema y machu cuando esti ta protexíu pol so plumaxe d'eclís.

El machu ye una ave inconfundible: presenta un copete coloráu con rellumos metálicos de color verde sobro la frente y dos franxes llaterales de color blancu o crema bien claro, nes que destaquen los güeyos escuros y el picu d'un tonu coloráu coral. Asemeyándose a unes barbes, tien unes plumes d'un color naranxa cobrizu. El pechu y el gargüelu son de color moráu; el banduyu ye blancu, y los llaterales son d'un tonu crema con dos bandes azulaes, que dan pasu a dos tales franxes anaranxaes curvaes escontra riba.[3]

La fema ye bastante paecida a la del Aix sponsa; tien un plumaxe muncho más discretu: tonos pardos y ocres nos sos partes cimeros, un aníu y una banda blanca alredor del güeyu, y les partes inferiores más pálides, colos lladrales motudos.[4]

Distribución y hábitat

Esta especie tuvo nel so día bien estendida per toa Asia oriental, pero les esportaciones masives (pa parques y colecciones) y la destrucción del so hábitat amenorgaron les sos poblaciones nel este de Rusia y de China per debaxo de 1000 pareyes en caúna de les dos rexones; en Xapón, sicasí, envalórase qu'esisten unes 5000 pareyes. Estes poblaciones asiátiques son migradores y enviernen nes tierres baxes del este de China y del sur de Xapón.

La so población mundial envalórase ente 65 000 y 66 000 individuos.

El coríu mandarín suel habitar zones forestales trupes cerca de llagos pocu fondos, llamargues o llagunes.

Comportamientu

Pel hibiernu puen formar pequeños grupos, pero raramente acomuña con otros coríos.

Aliméntense tanto en tierra como n'agua. Comen sobremanera plantes y granes, especialmente de fayes. Suelen comer escontra l'atapecer, permaneciendo nos árboles o nel suelu mientres el día.

Añeren en furacos d'árboles cercanos a l'agua. A diferencia d'otres especies, el machu permanez cola pareya apariada hasta que los güevos eclosionen ya inclusive ayuda nel cuidu de les críes.

Creencies

N'Asia Oriental los coríos mandarinos taben consideraos animales portadores de bona fortuna, y d'amor y ciñu conxugal; ye por ello qu'en China regálase una pareya d'estos coríos como regalu principal nes bodes más importantes.

Referencies

Enllaces esternos

Wikiwand in your browser!

Seamless Wikipedia browsing. On steroids.

Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.

Wikiwand extension is a five stars, simple, with minimum permission required to keep your browsing private, safe and transparent.