Aniellos de Neptunu
From Wikipedia, the free encyclopedia
Los aniellos de Neptunu son un sistema d'aniellos planetarios bien tenues y débiles, compuestos principalmente de polvu que la so guarda foi confirmada en 1989 pola sonda espacial Voyager 2, que pertenecen a dichu planeta.[1] Guarden más semeyanza colos aniellos de Xúpiter que colos más complexos de Saturnu o Uranu.
El sistema consta de cinco anillo que reciben el nome de los astrónomos más relevantes na investigación de Neptunu. Del más interior al más esterior son: Galle, Le Verrier, Lassell, Arago y Adams. Amás esiste un aniellu coincidente cola órbita del satélite Galatea.[2] Otros trés satélites más, Náyade, Talasa y Despina, orbiten ente los aniellos faciendo la función de satélites pregueros.[3]
El material de los aniellos ye descomanadamente escuru, tratándose probablemente de compuestos orgánicos producíos pola radiación de la magnetosfera del planeta de manera similar a lo topao nos aniellos d'Uranu. La proporción de polvu nos aniellos ye alta, ente'l 20 y el 70 %,[4] ente que la fondura óptica ye baxa, menos de 0,1.[5]
L'aniellu Adams inclúi de la mesma cinco arco más brillosos que'l restu del aniellu denominaos Fraternidá, Igualdá 1, Igualdá 2, Llibertá y Coraxe.[2] Los arcos ocupen cada unu una pequeña llonxitú orbital del total del aniellu. La estabilidá de los arcos ta en discutiniu detectándose en 2005 un considerable endelgazamientu del arcu Llibertá.[6] Ye probable que la estabilidá del aniellu Adams tea rellacionada col satélite Galatea.[7]