Antonio López de Santa Anna
From Wikipedia, the free encyclopedia
Antonio de Padua María Severino López de Santa Anna y Pérez de Lebrón (21 de febreru de 1794, Xalapa-Enríquez (es) – 10 de xunu de 1876, Ciudá de Méxicu)[3] foi un políticu y militar mexicanu. Foi Presidente de Méxicu y, anque na gran mayoría de testos dizse qu'ocupó la presidencia n'once causes, l'Institutu Nacional d'Estudios Históricos de les Revoluciones de Méxicu (INEHRM) sostién que solo fueron seis veces.[3][4]
Instauráu como dictador vitaliciu col tratamientu de Alteza Serenísima, anque derrocáu años más tarde. A lo llargo de la so estensa carrera política foi consideráu ambiguu por participar en partíos contrarios, yá fora con realistes, monárquicos, republicanos, unitarios, federales, lliberales y/o conservadores. Santa Anna foi tamién gobernador de Yucatán (1824 - 1825) y de Veracruz en 1829.