Antonio Suárez
pintor asturianu (1923–2013) / From Wikipedia, the free encyclopedia
Antonio Suárez (26 de xineru de 1923, Xixón – 21 d'ochobre de 2013, Madrid) foi un pintor asturianu.
Antonio Suárez | |
---|---|
Vida | |
Nacimientu | Xixón[1], 26 de xineru de 1923[2] |
Nacionalidá | España |
Muerte | Madrid[3], 21 d'ochobre de 2013[4] (90 años) |
Oficiu | pintor |
Llugares de trabayu | Madrid |
Miembru de | El Paso[5] |
La rellación d'Antonio col arte entama nel estudiu del arquiteutu xixonés Antonio Álvarez-Hevia, nel que tien de compañeru de Joaquín Rubio Camín, xunto col qu'entama'l I Salón de Navidá de Xixón nel añu 1948, añu nel que se relaciona cola Escuela de Madrid, onde se treslladara esi mesmu añu[6]. Tamién nos sos años de formación xixonesa frecuentará los estudios d'Evaristo Valle y Nicanor Piñole. En 1950 pinta la so primer obra abstracta[7].
Nel añu 1951 treslladaráse a París onde vivirá unos trés años, yá que por motivos de salú torna a Xixón, onde residirá un tiempu hasta tornar nuevamente a Madrid[8].
Antonio Suárez foi unu de los firmantes, en 1957, del manifiestu del Grupu El Paso, xunto a autores como Canogar, Feito, Manolo Millares, Manuel Rivera, Antonio Saura y l'escultor Pablo Serrano. Más sero xuniéronse a esti ensame Martín Chirino y Manuel Viola.[9]