Atraición sexual
atraición por mor del deséu sexual / From Wikipedia, the free encyclopedia
La atraición sexual fai referencia a la capacidá d'atraer l'interés sexual de potenciales pareyes reproductives. Nel ser humanu entiéndese como l'habilidá pa xenerar interés eróticu n'otres persones. Apocayá un estudiu coordináu por Jim Pfaus, profesor de neurociencia y psicoloxía de la Universidá Concordia (Canadá) (Concordia University) y nel que participaron especialistes de la Universidá de Siracusa (Syracuse University), Universidá de Virginia Occidental (West Virginia University) y del Hospital universitariu de Xinebra (Suiza) (Hôpitaux Universitaires de Genève) y publicáu nel Journal of Sexual Medicine[1] afayaron que nel sistema límbico, incluyendo'l hipocampu y l'amígdala, esto ye, asitiáu na arquicorteza, ye onde s'alcuentra tan poderosu procesu fisio-psicolóxicu.[2]
Nesti sentíu, l'atraición puede ser potenciada por elementos tales como la vistimienta, los golores (p. ex. arume), forma de movese, etc. Según los resultaos actuales, esisten componentes xenéticos, psicolóxicos y culturales, ente otros, tantu nos estímulos que xeneren atraición física y sexual como nes respuestes manifiestes d'atraición.