Autoridá
From Wikipedia, the free encyclopedia
La autoridá ye'l privilexu de primacía que se reconoz na influyencia. Por casu, la d'un individuu sobre'l statu quo d'un coleutivu. Tal privilexu concíbese 'motu proprio', asignáu o designáu. L'autoridá tamién ye'l prestíu meritoriu d'una persona o organización na so calidá o competencia[1] sobre cierta materia.
L'autoridá suel tar acomuñada al Estáu como depositariu de los poderes públicos. Los funcionarios estatales tienen la facultá de mandar y dar órdenes, que tienen de ser acataes siempres qu'actúen acordies coles lleis y normes vixentes. Si siguimos la definición del Diccionariu de la Llingua, l'autoridá ye: "Potestá, facultá. Poder que tien una persona sobre otra que-y ta subordinada. Persona revistida de dalgún poder o mandu."
Cada posición concreta tien unos derechos inherentes que los titulares adquieren del rangu o títulu de la posición. L'autoridá polo tanto rellaciónase direutamente cola posición del titular dientro de la Organización y nun tien nada que ver cola persona en forma individual.