Bamaku
From Wikipedia, the free encyclopedia
From Wikipedia, the free encyclopedia
Bamaku[1] ye la capital de Malí, ta a la vera del ríu Níxer nel suroeste del país. Bamaku ye'l principal centru alministrativu, un importante cai fluvial y un centru comercial pa tola rexón circundante. La ciudá tien la categoría de distritu a nivel nacional y ta estremada en seis comunidaess dirixíes polos sos respeutivos alcaldes electos.[2] L'alcalde del distritu de Bamaku ye Adama Sangaré.[3]
Bamaku | |||
---|---|---|---|
| |||
Alministración | |||
País | Malí | ||
Region of Mali (en) | Bamako Capital District (en) | ||
Círculo (es) | Bamako (es) | ||
Tipu d'entidá | ciudá | ||
Xeografía | |||
Coordenaes | 12°38′45″N 7°59′32″W | ||
Superficie | 245 km² | ||
Altitú | 350 m | ||
Demografía | |||
Población | 4 227 569 hab. (2023) | ||
Porcentaxe | 100% de Bamako (es) | ||
Densidá | 17 255,38 hab/km² | ||
Más información | |||
Estaya horaria | UTC±00:00 | ||
Llocalidaes hermaniaes | Rochester, Angers, Maubeuge, Dakar, Burdeos, Bobo-Dioulasso, Leipzig, Axgabat, São Paulo, Banxul y Nuakxot | ||
La rexón de Bamaku tuvo habitada dende tiempos prehistóricos, como asina lo confirmen les escavaciones arqueolóxiques de Magnambougou. Bamaku, orixinalmente bàmakɔ̌ ("el caimán de los banzaos", en llingua bambara),[4] fundóse a finales del sieglu XVI polos Niaré, enantes llamaos Niakate, un grupu d'etnia soninké. Niaréla, el barriu fundáu polos Niaré, ye anguaño una de les zones más antigües de la ciudá.
A finales del sieglu XIX, Bamaku yera una importante ciudá fortificada de 600 habitantes, y un centru d'estudiu musulmán na dómina del imperiu de Malí, hasta que'l 1 de febreru de 1883, les tropes franceses empobinaes pol xeneral Gustave Borgnis-Enchas, tomaron la rexón.
Yá so'l dominiu francés, nel añu 1895 la ciudá conviértese na capital de la rexón, pa finalmente pasar a ser la ciudá más importante de la rexón del Alto Senegal y Níxer, el 17 d'ochobre de 1899. Darréu pasó a llamase'l Sudán francés nel añu 1920. Ente 1903 y 1907 construyóse'l Palaciu de Koulouba, que foi la residencia del gobernador y más tarde pasó a ser sede de la presidencia de la República de Malí dende la independencia en 1960.
Sol dominiu francés desendólquense na rexón y na ciudá importantes obres de meyores d'infraestructures, asina nel añu 1904 inauguróse la llinia ferroviaria Dakar – Níxer, xuniendo les ciudaes de Dakar con delles de les más importantes qu'anguaño pertenecen a Malí. En 1905 empecipióse la construcción del Hospital del puntu G.
Más tarde en 1927 construyóse la catedral. El gremiu d'artesanos creóse en 1931, unos años más tarde en 1947 terminóse la primer ponte de la ciudá sobre'l ríu Níxer y yá en 1948 edificóse la gran mezquita.
Bamaku ye una ciudá alministrativamente complexa, pues l'únicu distritu del país y de la mesma ta estremada en delles comuñes, esto vien siendo asina dende'l 20 d'avientu de 1918 en que decidió entamase la ciudá d'una forma mixta con un gobernador que de la mesma facía les funciones d'alcalde.
Ente 1920 y 1921, Henri Terrasson de Fougères foi designáu como gobernador provisional de la rexón pol gobiernu francés, cargó qu'ocupó hasta que finalmente se convirtió en gobernador del Sudán francés el 26 de febreru de 1924 hasta l'añu 1931, vivien mientres el so mandatu nel Palaciu de Koulouba.
El 18 de payares de 1955, Bamaku pasó a ser una comuña de plenu derechu, l'alcalde, Modibo Keïta, escoyóse per primer vegada un añu más tarde, el 16 de payares de 1956. El 22 de setiembre de 1960, Malí proclamó la so independencia como colonia francesa y Bamaku designóse como la capital de la nueva República de Malí.
Asitiada na vera del ríu Níxer, la ciudá de Bamaku construyóse nuna curva del ríu, arrodiada de llombes. Espárdese per una superficie de 267km². Tien una población de 1.690.471 habitantes (2006) y un puertu fluvial sobre'l ríu Níxer. Ye'l mayor centru alministrativu, y comercial de Malí.
Bamaku ye la capital del únicu distritu del país. Concentra'l 70% de la producción industrial nacional.[5] Les principales producciones son les manufactures, incluyendo testiles, carne, metales y pesca. Amás, el sector terciariu ta bien desenvueltu, sobremanera l'artesanáu y el comerciu. Amás, esta ciudá ye la sede de les grandes empreses nacionales y de l'Alministración del estáu.
Una llinia de ferrocarril xune Bamaku con Dakar, na vecina Senegal, pasando por Kati, Négala, Kita y Kayes. Una bona forma de comunicase na redolada de la ciudá ye'l mesmu ríu Níxer. Amás, existen carreteres asfaltaes que comuniquen la capital de Malí coles principales ciudaes de les distintes rexones del país. El proyeutu de la Carretera Transaheliana dispondría que, procedente de Dakar, el vial pasara por Bamaku antes de dirixise paBurkina Fasu, Níxer, Nixeria y Chad. Per vía aérea, l'Aeropuertu Internacional de Bamaku-Sénou coneuta la ciudá con abondos destinos africanos, amás de con París, a onde vuelen les compañíes Aigle Azur, Air France y Air Mali.
El clima ye tropical y daqué húmedu, el total de precipitaciones añales ye de 878 mm coles temporaes secu y lluviosu bien marcaes. El mes más secu nun recibe una gota d'agua (permediu de 0 mm n'avientu), ente que'l mes más lluviosu ye bien llentu (234 mm n'agostu). El permediu de temperatura añal ye de 27,8 °C, siendo'l mes más fríu avientu con un permediu de 24,8 °C, y el más caliente abril con 38,7 °C.
Parámetros climáticos permediu de Bamaku, Malí (1950–2000) | |||||||||||||
---|---|---|---|---|---|---|---|---|---|---|---|---|---|
Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
Temperatura máxima media (°C) | 33.4 | 36.4 | 38.5 | 39.6 | 38.5 | 35.3 | 32.1 | 31.1 | 32.2 | 34.6 | 35.3 | 33.4 | 35 |
Temperatura media (°C) | 25.1 | 27.8 | 30.2 | 31.6 | 31.4 | 29.1 | 26.8 | 26.1 | 26.6 | 27.7 | 26.5 | 24.8 | 27.8 |
Temperatura mínima media (°C) | 17.0 | 19.9 | 22.9 | 25.2 | 25.4 | 23.6 | 22.2 | 21.8 | 21.6 | 21.3 | 18.4 | 16.8 | 21.3 |
Temperatura mínima absoluta (°C) | 8.7 | 9.0 | 12.0 | 16.7 | 17.8 | 16.1 | 17.8 | 17.2 | 18.3 | 14.7 | 10.8 | 6.1 | 6.1 |
Lluvia (mm) | 0.6 | 0.7 | 2.1 | 19.7 | 54.1 | 132.1 | 224.1 | 290.2 | 195.9 | 66.1 | 5.2 | 0.5 | 991.3 |
Díes de lluvia (≥ 0.1 mm) | 0.2 | 0.2 | 0.6 | 3.3 | 6.3 | 7.7 | 16.7 | 17.9 | 14.7 | 5.7 | 0.3 | 0.1 | 73.7 |
Hores de sol | 275.9 | 254.3 | 266.6 | 231.0 | 241.8 | 234.0 | 217.0 | 217.0 | 222.0 | 254.2 | 270.0 | 269.7 | 2953.5 |
Humedá relativa (%) | 24 | 20 | 22 | 33 | 50 | 67 | 77 | 81 | 78 | 65 | 38 | 27 | 48.5 |
Fonte nº1: World Meteorological Organization[6] | |||||||||||||
Fonte nº2: Hong Kong Observatory (sun 1961–1990)[7] |
Temperatura | ||||||||||||||
---|---|---|---|---|---|---|---|---|---|---|---|---|---|---|
Mes | xin | Feb | Mar | Abr | May | xun | xnt | Ago | set | och | pay | avi | Media | |
Altes máximes °C | 42 | 47 | 43 | 44 | 46 | 41 | 39 | 36 | 36 | 40 | 43 | 40 | ||
Media °C | 24,5 | 27,5 | 30,5 | 31,5 | 31,5 | 28,5 | 27 | 26,5 | 27 | 28 | 26 | 25 | 27,8 | |
Baxes mínimes °C | 9 | 11 | 14 | 18 | 19 | 18 | 18 | 17 | 17 | 15 | 12 | 8 | ||
Precipitaciones | ||||||||||||||
Mes | xin | Feb | Mar | Abr | May | xun | xnt | Ago | set | och | pay | avi | Añal | |
Precipitación media mm | 0 | 0 | 3 | 15 | 74 | 137 | 279 | 348 | 206 | 43 | 15 | 0 | 1.120 | |
Fonte: bbc.co.uk/weather[8] |
La crecedera demográfica de Bamaku foi bien acusada nos últimos años, pasando de los 2.500 habitantes en 1884, 8.000 en 1908 a más de 160.000 en 1960, mientres la dómina de la independencia, hasta algamar una población de más de 1.600.000 habitantes anguaño. Bamaku ye amás la sesta ciudá del mundu cola proyeición de crecedera poblacional más grande, prevista hasta l'añu 2020.[10]
La ciudá de Bamaku tien el calter de distritu a nivel nacional, de la mesma esti distritu queda estremáu en seis comuñes tal como s'afita na ordenanza del 18 d'agostu de 1978, modificada darréu pola llei de febreru de 1982. Estos seis comuñes tán subdividíes en barrios. Cada comuña ta dirixida por un conseyu municipal qu'escueye un alcalde ente los sos miembros. Amás estos conseyos escueyen los sos representantes nel conseyu del distritu , que se compón de 27 miembros. Finalmente estos representantes nomen al alcalde del distritu.[11] Adama Sangaré ye l'actual alcalde del distritu de Bamaku, siendo escoyíu'l 6 de xunetu de 2007, sustituyendo nel cargu a Moussa Badoulaye Traoré, quien lu ocupó hasta'l 6 de xunu del mesmu añu. El vienres 19 de xunu de 2009 los ventisiete conseyeros del distritu de Bamaku ratificaron por unanimidá a Adama Sangaré nel so cargu. Les últimes eleiciones comunales fueron el 26 d'abril de 2009.
Como nel restu de Malí, la principal confesión ye l'Islam, con más d'un 90% de musulmanes. En Bamaku existen munches escueles corániques y cientos de mezquites. Balla Kallé, imán de la Gran mezquita de Bamaku, finó'l 14 de xunu de 2009.[12]
Amás, hai cierta presencia de Relixones tradicionales africanes, como l' Animismu, y otres confesiones minoritaries como'l Cristianismu.
Construyéronse dellos estadios en Bamaku, como l'Estadiu de Mamadou Konaté, el Palaciu de los Deportes Modibo Keïta, l'Estadiu Ouenzzin Coulibaly o l'Estadiu del 26 de marzu. La mayor parte d'estos centros deportivos modernizáronse y ampliáronse pa la Copa Africana de Naciones 2002 de fútbol que se celebró en Malí ente los díes 19 de xineru y 9 de febreru de 2002.
El Stade Malien, el Djoliba AC y el Centre Salif Keita son los más destacaos clubes de fútbol de la ciudá.
Bamaku foi puntu final o d'entamu de delles etapes del Rally Dakar, una gran carrera automovilística que dende Europa travesaba'l desiertu d'El Sáḥara hasta llegar a Dakar.
Cada añu, celébrase na ciudá l'Alcuentru Panafricanu d'atletismu.
Les ciudaes hermaniaes con Bamaku son:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.