Batalla de Cuadonga
From Wikipedia, the free encyclopedia
From Wikipedia, the free encyclopedia
La batalla de Cuadonga tuvo llugar en 722 en Cuadonga (España), una paraxa próxima a Cangues d'Onís (Asturies), ente l'exércitu de Don Pelayo y tropes musulmanes, que resultaron ganaes. Esta aición bélica considérase como l'arranque de la Reconquista. [1]
| Batalla de Cuadonga | ||||
|---|---|---|---|---|
| Parte de Espardimientu del Islam y Conquista Cristiana de la Península Ibérica | ||||
 Estatua de Don Pelayo en Cuadonga | ||||
| Fecha | 718 y 722 | |||
| Llugar | Cuadonga, Cangues d'Onís, Asturies, España | |||
| Coordenaes | 43°18′N 5°00′W | |||
| Resultáu | Decisiva victoria asturiana | |||
| Belixerantes | ||||
| ||||
| Fuercies en combate | ||||
| ||||
| [editar datos en Wikidata] | ||||
Gobernaba'l norte peninsular dende Xixón un bereber llamáu Munuza, que la so autoridá foi desafiada polos dirixentes ástures que, axuntaos en Cangues d'Onís en 718 sol lideralgu de Pelayo, tomaron la decisión de remontase negándose a pagar impuestos esixíos, el jaray y el yizia. Tres delles aiciones de castigu al cargu de tropes árabes locales, Munuza solicitó la intervención de refuerzos dende Córdoba. Anque se restó importancia a lo que taba asocediendo nel estremu ibéricu, l'emir Ambasa unvió al mandu d'Al Qama un cuerpu espedicionariu sarracenu que probablemente en nengún casu algamaría la cifra de 180.000 homes dada poles cróniques cristianes.
Tocantes a les fuercies de Pelayo, la historiografía recién les cuantifica en pocu más de 300 combatientes. Con elles esperó a los musulmanes nun llugar estratéxicu, como l'angostu valle de Cangues de los Picos d'Europa que'l so fondu cierra'l monte Auseva, onde un atacante ordenáu nun dispón d'espaciu pa maniobrar y pierde la eficacia que'l númberu y l'organización podríen da-y. Ellí, en 722, prodúxose l'enfrentamientu, que la so dimensión desconocer y que pudo tratase d'una batalla o una simple escaramuza. La cuestión ye que les tropes sarracenes fueron abrasaes, obligando a Munuza a escapar de Xixón, onde se topaba nesi momentu. Nun llogró fuxir el gobernador musulmán yá que él y les sos tropes atoparon la muerte. Un centenar d'homes comandaos por Pelayo ocuparen la célebre cueva de Cuadonga, atacando dende ellí a les asoraes tropes mores. Al Qama topó la muerte nesti llance, ente que les sos fuercies sufrieron grandes perdes na so desordenada fuxida, al cayer sobre ellos una fastera por cuenta d'un desprendimientu de tierres, probablemente provocáu, cerca de Cosgaya en Cantabria.
Esta victoria dexó que'l reinu nun volviera ser atacáu por fuercies musulmanes. La batalla de Cuadonga supunxo la primer victoria d'un contingente rebalbu contra la dominación musulmana na Península Ibérica. Tuvo un ampliu espardimientu na historiografía posterior como detonante del establecimientu d'una insurrección entamada que desaguaría na fundación, en primer instancia, del reinu independiente d'Asturies, y d'otros reinos cristianos que n'última instancia remataría cola formación del Reinu d'España.
Según les cróniques árabes de la dómina:
Diz Isa Ibn Ahmand al-Raqi qu'en tiempos de Anbasa Ibn Suhaim al-Qalbi, llevantóse en tierres de Galicia un pollín xavaz llamáu Belay [Pelayo]. Dende entós empezaron los cristianos n'al-Ándalus a defender contra los musulmanes les tierres qu'entá quedaben nel so poder, lo que nun esperaren llograr. Los islamistes, lluchando contra los politeístes y forzándo-yos a emigrar, apoderárense del so país hasta que llegara Ariyula, de la tierra de los francos, y conquistaren Pamplona en Galicia y nun había quedáu sinón la roca onde s'abeluga'l rei llamáu Pelayo con trescientos homes. Los soldaos nun cesaron d'ataca-y hasta que los sos soldaos morrieron de fame y nun quedaron na so compañía sinón trenta homes y diez muyeres. Y nun teníen que comer sinón el miel que tomaben de la dexada poles abeyes nes fendedures de la roca. La situación del musulmanes aportó a penosa, y al cabu despreciáronlos diciendo «Trenta asno xavaces, ¿qué dañu pueden facenos?». Nel añu 133 morrió Pelayo y reinó el so fíu Fáfila. El reinu de Belay duró diecinueve años, y el del so fíu, dos.Crónica d'Al-Maqqari
Según les cróniques d'Alfonsu III. Crónica de Albelda datada nel 881:
Alqama entró n'Asturies con 187.000 homes. Pelayo taba colos sos compañeros nel monte Auseva y que l'exércitu de Alkama llegó hasta él y alzó innumberables tiendas frente a la entrada d'una cueva. L'obispu Oppas xubió a un montículo asitiáu frente a la cueva y faló asina a Rodrigo: «Pelayo, Pelayo, ¿ónde tas?». L'apelláu asomóse a una ventana y respondió: «Equí toi». L'obispu dixo entós: «Xulgo, hermanu y fíu, que non se te sumió cómo apocayá topábase toa España xunida sol gobiernu de los godos y rellumaba más que los otros países pola so doctrina y ciencia, y que, sicasí, aconceyáu tou l'exércitu de los godos, nun pudo sostener l'ímpetu de los ismaelites, ¿vas poder tu defendete nel visu d'esti monte? Paezme difícil. Escucha'l mio conseyu: vuelve al to alcuerdu, vas gociar de munchos bienes y vas esfrutar de l'amistá de los caldeos». Pelayo respondió entós: «¿Nun lleísti nes Sagraes Escritures que la ilesia del Señor va aportar a como'l granu de la mostaza y de nuevu va crecer pola misericordia de Dios?». L'obispu contestó: «Verdaderamente, asina ta escritu». [...] Tenemos por abogáu cerca del Padre a El nuesu Señor Xesucristu, que puede llibranos d'estos paganos [...]. Alqama mandó entós empezar el combate, y los soldaos tomaron les armes. Llevantáronse los fundíbulos, preparáronse les fondes, rellumaron les espaes, se encresparon les llances y ensin posa llanzáronse saetes. Pero al puntu amosáronse les magnificencies del Señor: les piedres que salíen de los fundíbulos y llegaben a la casa de la Virxe Santa María, que taba dientro de la cueva, volvíense contra los que les disparaben y mataben a los caldeos. Y como a Dios nun-y faen falta llances, sinón que da la palma de la victoria a el que quier, los caldeos entamaron la fuga...Crónica de Abelda
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
