Batalla de la Badea de Matanzas
From Wikipedia, the free encyclopedia
Plantía:Campaña Guerra de los Ochenta Años
| Batalla de la Badea de Matanzas | ||||
|---|---|---|---|---|
| Parte de Guerra de los Ochenta Años | ||||
 | ||||
| Fecha | 7 setiembre 1628 → 8 setiembre 1628 | |||
| Coordenaes | 23°20′N 81°34′W | |||
| Resultáu | Victoria holandesa. | |||
| Belixerantes | ||||
| ||||
| Comandantes | ||||
| ||||
| [editar datos en Wikidata] | ||||
La batalla de la badea de Matanzas foi un combate naval llibráu en 1628 nel marcu de la guerra de los Ochenta Años na qu'una escuadra holandesa ganó a la flota española frente a la ciudá de Matanzas, na mariña norte de Cuba.
En 1628, siendo rei d'España Felipe IV, diba sesenta años que les Provincies Xuníes de los Países Baxos, dependientes de la corona española, intentaben llograr la so independencia por aciu la guerra de los Ochenta Años, estendiendo les hostilidaes tamién fuera d'Europa.
Una parte de la Flota d'Indies, con base en Venezuela, fuera alvertida de les intenciones holandeses d'atacar los barcos españoles qu'al traviés del mar Caribe llevaben metales preciosos a España procedentes d'América, pero otra parte de la flota española, con base en Nueva España, inoraba estes amenaces. L'almirante holandés Piet Hein, con Witte de With como capitán del so barcu insinia, xunto col almirante Hendrick Lonck y el vicealmirante Joost Banckert, interceptó dieciséis barcos españoles procedentes de Nueva España frente a la ciudá de Matanzas, na mariña de Cuba (naquel tiempu posesión española); un galeón foi tomáu tres un ataque por sorpresa, nueve pequeños mercantes rindiéronse, otros dos fueron tomaos nel mar, y cuatro galeones más quedaron atrapaos na badea cubana de Matanzas. Tres un combate incruento, éstos acabaron tamién por rindise, y Hein prindó oru, plata y otres mercancíes, como índigo y cochinilla por valor de 11.509.524 florinos.[1] El holandeses nun tomaron prisioneros y dieron a los españoles suministros abondos pa llegar a L'Habana.
Ésti sería'l mayor botín prindáu a la bien protexida Flota d'Indies en tola so hestoria. El dineru sostuvo l'armada holandesa mientres ocho meses, dexándo-yos prindar la fortaleza de Bolduque tres el so regresu a los Países Baxos en 1629, onde Hein foi aclamáu como héroe. La Compañía Holandesa de les Indies Orientales, a que'l so cargu taba la flota de Piet Hein, declaró un dividendu del 50% a cuenta de los beneficios d'esta espedición.[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
