Botánica

La botánica^[1] (del griegu: βοτάνη = herba) o fitoloxía (del griegu φυτόν = planta y λόγος = tratáu), ye una rama de la bioloxía y la ciencia que s'ocupa del estudiu de les plantes. El conceutu de vexetal, que taba ñidiu en tiempos d'Aristóteles, alcuéntrase agora desdibuxao pol avance del conocimientu, aportándose a la definición de tóo aquello que ye oxetu d'estudiu de la Botánica. Na práutica, los botánicos estudien les plantes, l'ocle y los fongos. Nel campu la Botánica, hai de desamecer ente la botánica pura (el so xeitu ye'l d'ampliar el conocimientu de la Natura); y la botánica aplicada (les sos investigaciones tan al serviciu de la teunoloxía agraria, forestal, farmacéutica, etc.).

Botánica
disciplina académica, rama de la biología (es) , especialidá, especialidá y rama de la ciencia
bioloxía

La Botánica toca un ampliu rangu de conteníos, qu'inclúin aspeutos específicos propios de los vexetales; de les disciplines biolóxicas que s'ocupen de la composición química (fitoquímica); la organización celular (citoloxía vexetal) y tisular (histoloxía vexetal); del metabolismu y el funcionamientu orgánicu (fisioloxía vexetal), del xorrecimientu y el desendolcu; de la morfoloxía (fitografía); de la reproducción; de la herencia (xenética vexetal); de les enfermedaes (fitopatoloxía); de les adautaciones al ambiente (ecoloxía), de la distribución xeográfica (fitoxeografía o xeobotánica); de los fósiles (paleobotánica) y de la evolución.

Referencies

1. Esti términu apaez nel Diccionariu de l'Academia de la Llingua Asturiana. Ver: botánica

• Datos: Q441
• Multimedia: Botany
• Cites famoses: Botánica