Buenos Aires

capital d'Arxentina / From Wikipedia, the free encyclopedia

Buenos Aires[3], que'l so nome oficial, recoyíu na constitución, ye Ciudá de Buenos Aires o Ciudá Autónoma de Buenos Aires (CABA)[4] y ye tamién nomada Capital Federal pol so calter de sede del gobiernu nacional[5] ,ye la capital y ciudá más poblada d'Arxentina. Esta metrópolis ye una ciudá autónoma que conforma ún de los 24 distritos, o «xurisdicciones de primer orde»[6], nos que se divide alministrativamente'l país. Poro, tien los sos propios poderes llexislativu, executivu ya xudicial. Asítiase na rexón centru-oriental del país, sobre la oriella derecha (la meridional) del Ríu de la Plata. La ciudá foi cedida en 1880 pola Provincia de Buenos Aires pa que fora la capital federal del país; de magar 2020 ye considerada la «capital principal», xunto con otres 24 capitales alternes[7]. El so nome deriva del que-y dieran los sos fundadores nel sieglu XVI, «Real de Nuestra Señora Santa María del Buen Ayre», n'alcordanza de la Madonna (Virxe) de Bonaria, venerada nel santuariu homónimu de Cerdeña.

1000-ast.png
Quick facts: Buenos Aires, Alministración, Tipu d'entidá, ...
Blue_globe_icon.svgBuenos Aires
Buenos_Aires_-_Puerto_Madero.jpg
Bandera_de_la_Ciudad_de_Buenos_Aires.svg Escudo_de_la_Ciudad_de_Buenos_Aires.svg
Bandera de la Ciudad de Buenos Aires (es) Traducir Escudo de la Ciudad de Buenos Aires (es) Traducir
Alministración
PaísBandera d'Arxentina Arxentina
Tipu d'entidá capital
Jefe de gobierno de la Ciudad de Buenos Aires (es) Traducir Horacio Rodríguez Larreta
Nome oficial Ciudad Autónoma de Buenos Aires (es)
Ciudad de Buenos Aires (es-419)[1]
Nome llocal Ciudad Autónoma de Buenos Aires (es)
Nomatu La reina del Plata (es)
Baires (es)
Códigu postal C1000-14xx
Xeografía
Coordenaes 34°35′59″S 58°22′55″W
Buenos Aires alcuéntrase n'Arxentina
Buenos Aires
Buenos Aires
Buenos Aires (Arxentina)
Ciudad_Aut%C3%B3noma_de_Buenos_Aires_-_localizaci%C3%B3n_en_Argentina_2.svg
Superficie 203.3 km²
Altitú 25 m
Llenda con Provincia de Buenos Aires
Demografía
Población 3 120 612 hab. (2022)
Porcentaxe 6.59% de Arxentina
Densidá 15 349,79 hab/km²
Más información
Fundación 11 xunu 1580
Prefixu telefónicu 011
Estaya horaria UTC−03:00
America/Argentina/Buenos_Aires (en) Traducir [2]
Llocalidaes hermaniaes
buenosaires.gob.ar
Cambiar los datos en Wikidata
Close

La so cadarma urbana asemeya un abanicu que llenda al sur, oeste y norte cola provincia de Buenos Aires y al este col ríu. En 1880, tres de décades de conflictos políticos, la ciudá foi federalizada ya independizada de la provincia homónima[8], y engrandeciéronse les sos llendes urbanes pa incluyir les ciudaes de Belgrano y Flores, qu'anguaño son barrios de la propia ciudá. Esta, de magar 1880, ye nomada tamién Capital Federal[9][10][11] pese a qu'esi nome nun figura ni na so propia constitución[12] ni na del país[13], y sodivídese en 15 comunes, y estes en 48 barrios. Una enmienda constitucional de 1994 garantizó la so autonomía, y dos años dempués elixiose por primer vegada al xefe del gobiernu de la ciudá; primero d'eso l'alcalde yera designáu directamente pol presidente de la república.

La so población ye de 3.529.754 habitantes[14], y la del Gran Buenos Aires, una megaciudá formada pola propia Ciudá Autónoma xunto con dellos partíos y conceyos de la vecina provincia de Buenos Aires), ye de 17.541.141 habitantes[15], que faen d'ella la segunda megaciudá d'Hispanoamérica y d'América del Sur y una de les 20 mayores del mundu[16][17].

Buenos Aires ye una ciudá global de categoría alfa, una de les 25 ciudaes más influyentes del mundu[18] y con un nivel de vida, acordies col estudiu fechu en 2019 por Mercer Human Resource Consulting, que l'asitia nel puestu 91 a nivel mundial, y segunda d'América Llatina tres de Montevideu[19]. La bayura de la so actividá cultural conviértenla nún de los principales destinos turísticos del mundu; en 2012 foi la ciudá más visitada d'América del Sur[20]. El so perfil urbanu ye pereclécticu[21], una y bones nelli amiéstense l'estilu colonial español con milenta otros: art decó, art noveau, neogóticu, italianizante, francés borbónicu ya academicista francés. La marcada influyencia europea na arquitectura de delles partes de la ciudá fae que seya conocida como «La París d'América»[22].

Buenos Aires ye una ciudá multicultural na que conviven milenta grupos étnicos y relixosos, que contribuyeron a la conformación de la so cultura y del so dialectu de magar el sieglu XIX, cuando la ciudá en particular ya'l país en xeneral recibió millones d'inmigrantes de tol mundu. El resultáu ye que, anguaño, Buenos Aires ye una de les ciudaes con mayor diversidá del continente[23]. Nella celebráonse los campeonatos del mundu masculinos de baloncestu de 1950 y 1990 y los primeros Xuegos Panamericanos (1951), y dellos estadios de so foron sedes del mundial de fútbol de 1978 y del de voleibol masculín de 1982.

Oops something went wrong: