Calvinismu
confesión protestante sofitada nes doctrines de Xuan Calvino / From Wikipedia, the free encyclopedia
El calvinismu[1] (tamién llamáu tradición reformada, la fe reformada o teoloxía reformada) ye un sistema teolóxicu protestante y un enfoque de la vida cristiana que pon la énfasis na autoridá de Dios sobre toles coses.[2] Esta aguada del cristianismu protestante ye asina nomada en rellación al reformador relixosu francés del sieglu XVI Xuan Calvino, quien sistematizó munches de les más conocíes doctrines que formen parte de la teoloxía reformada.
La tradición reformada foi desenvuelta por teólogos como Martin Bucer, Heinrich Bullinger,[3] Pietro Martire Vermigli,[4] Ulrico Zuinglio,[5] Teodoro de Beza y Guillaume Farel ya influyó en reformadores británicos como Thomas Cranmer y John Knox. Sicasí, por cuenta de la gran influencia y al papel de Xuan Calvino nos alderiques confesional y eclesiásticu del sieglu XVII, la tradición llegó a conocese col nome de calvinismu. Anguaño, el términu designa tamién les doctrines y práutiques de les Ilesies reformaes.[6]