Chao Samartín
xaceda arqueolóxica, Bien d'Interés Cultural From Wikipedia, the free encyclopedia
Chao Samartín ye un castru allugáu en Castro na parroquia de Grandas (Grandas de Salime - Asturies).
| Chao Samartín | |
|---|---|
castru y centro de visitantes (es)  | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Grandas de Salime |
| Coordenaes | 43°11′55″N 6°55′33″W |
  Chao Samartín Chao Samartín (Asturies) | |
| Patrimoniu | |
 | |
El so orixe como pobláu fortificáu remóntase a finales de la Edá del Bronce (va unos 3.000 años), ye d'esa época les primeres defenses, un fosu y un valla qu'arrodiaben un recintu sagráu con una entrada presidida por unes peñes grandes y onde s'asitaba un edificiu bien grande pa la época (unos 60 m²).
Yá na Edá del Fierro la zona habitada del castru medra enforma y duplíquense les defenses. Nel sieglu IV e.C. les defenses componíense d'una muria y dellos fosos al abellugu de los que taben les cabañes de planta circular y rectangular con esquines redondes, cuntaben con una sala y techu vexetal.
La única entrada al pobláu yera pel sur gracies a un portón que salvaba'l fosu.
Los habitantes yeren agricultores, preparaben los alimentos en pieces cerámiques y teníen ferramientes de fierro, cobre, plata y oru, según amuesen los restos topaos nel llugar.
Cola llegada del imperiu romanu, entama un tiempu de paz y prosperidá llegando a arenunciar de les defenses y aprovechando'l tener mui cerca delles mines d'oru. Esta prosperidá viose frenada por un abandonu repentinu del pobláu mui probablemente por mor d'un terremotu, al rodiu del sieglu II.
El castru entamó a escavase en 1990 y entá falta gran parte del pobláu por estudiar. Debíu al abandonu repentinu topense munches ferramientes inclusive xoyes y otros oxetos de valir na época romana.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
