From Wikipedia, the free encyclopedia
La Columna de Pompeyo ta asitiada nel parque arqueolóxicu de la ciudá d'Alexandría (Exiptu), nel llugar onde se topaba na Antigüedá el templu del Serapeo. Ye una columna fecha de granitu coloráu d'Asuán, y ye la mayor d'esti tipu construyida fora de les capitales imperiales de Roma y Constantinopla.[1]
Columna de Pompeyo | |
---|---|
عمود السواري (ar) | |
columna triunfal (es) | |
Llocalización | |
País | Exiptu |
Gobernaciones | gobernación d'Alexandría |
Coordenaes | 31°10′57″N 29°53′47″E |
Altitú | 14 m |
Les midíes de la so exa son 20,46 m d'altor, con un diámetru de 2,71 m na so base.[2] El pesu de la pieza de granitu coloráu d'Asuán envalorase en 285 t.[2] Incluyendo la so base y el so capitel, la columna algama los 26,85 m d'altor.[2] Otrus autores indiquen unes dimensiones llixeramente distintes[3]
El nome dau a la columna debese a que los cruzaos creyeron que señalaba'l llugar onde fuera soterráu Pompeyo, asesináu nel añu 48 a. C. pol hermanu y maríu de la célebre Cleopatra, Ptolomeo XIII, quien presentó la cabeza de Pompeyo a César como un gran trunfu.
Otra tradición quier qu'esta columna seya la única sobreviviente de les 400 d'un pórticu de la biblioteca d'Alexandría.
Tamién se supunxo que foi alzada n'honor del emperador Diocleciano (245-313), pa celebrar la so gran victoria nel añu 296 sobre'l xeneral Aquileo, qu'un añu antes proclamárase emperador d'Exiptu. Tal teoría fundese nuna inscripción que s'atopa na so basa:
Sicasí, los investigadores del sieglu XIX demostraron que'l fuste ye en realidá'l de la Columna de Serapis, que vien de les ruines del Serapeum d'Alexandría, destruyíu nel 391, muncho depués del reináu de Diocleciano. La columna tien un basamento fechu con fragmentos que vienen de otros monumentos: apréciense restos de xeroglíficos colos nomes de Seti I y de un faraón de la dinastía saíta. Esti amiestu d'elementos reutilizaos esplicaría la inscripción diocleciana, que procedería tamién d'otru monumentu. Botti, asitia la ereición de l'actual columna en redol al reináu del emperador Arcadio (395-408).[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.