Compay Segundo

Máximo Francisco Repilado Muñoz (18 de payares de 1907, Santiago de Cuba – 13 de xunetu de 2003, L'Habana), conocíu artísticamente como Compay Segundo, yera un músicu y compositor cubanu.

Compay Segundo
Vida
Nacimientu	Santiago de Cuba, 18 de payares de 1907[1]
Nacionalidá	Cuba
Muerte	L'Habana[2], 13 de xunetu de 2003[1] (95 años)
Sepultura	Cementerio de Santa Ifigenia (es)
Causa de la muerte	insuficiencia renal
Estudios
Llingües falaes	castellanu
Oficiu
Oficiu	compositor, cantante, guitarrista, compositor de cantares
Trabayos destacaos	Malabana, (película de 2001) (es)
Miembru de	Dúo Los Compadres (es)
Xéneru artísticu	trova (es)
Mena de voz	bajo (es)
Instrumentu musical	guitarra voz
IMDb	nm0782158

Llegó a ser un popular compositor y intérprete, bien conocíu ente los amantes de la música cubana. Entamó tocando la guitarra, el clarinete y el bongó. Foi l'inventor del armónicu, un instrumentu de siete cuerdes, que comparte rasgos de la guitarra española y el tres cubanu. Tamién tocó la tumbadora.

Entamó la so carrera musical bien mozu cuando compuso les sos primeres canciones y tocaba en grupos de Santiago.

En 1988, participa nel festival organizáu pol Smithsonian Institute de Washington y el musicólogu cubanu Danilo Orozco, como invitáu especial del Cuarteto Patria, y interpreta por primer vez Chan Chan qu'entaina a convertise nun clásicu del son cubanu.

En 1992, graba a dúu con Pablo Milanés, el cantante cubanu de mayor sonadía de la nueva trova.

En 1994 recuerre Europa col so cuartetu «Compay Segundo y sus Muchachos» con Benito Suárez (guitarra), Hugo Garzón (cantante y maraques) y el so fíu Salvador Repilado (baxu).

Pero la so fama internacional llegó-y en 1997, cola so participación nel discu Buena Vista Social Club, producíu por Ry Cooder col que ganó varios premios Grammy. Compay Segundo apareció tamién na película del mesmu nome realizada posteriormente por Wim Wendres.

Morrió en L'Habana debido a una insuficiencia renal, a los 95 años.