Continuu dialeutal
From Wikipedia, the free encyclopedia
From Wikipedia, the free encyclopedia
Un continuu dialeutal, o contínuum geolectal o complexu dialeutal, ye un conxuntu de variedaes llingüístiques falaes en territorios colindantes, con diferencies llixeres nes zones allegantes y con intelixibilidá mutua qu'escai a midida que aumenta la distancia, llegando inclusive a sumir. D'esta manera, dos llingües aceptaes como distintes puen tener ente sí un conxuntu de dialeutos entemedios ensin perdese en nengún casu la intelixibilidá socesiva. Un continuu dialeutal pue sumir al estazase pola estinción dialeutal, consecuencia del reforzamientu d'una o delles llingües estándar.
Una manera de formalizar qué constitúi un complexu dialeutal, ye que dientru d'un conxuntu de dialeutos xeográficos podamos construyir una cadena llingüística de variedaes V1, V2, ..., Vn, tales que:
Debe tenese en cuenta qu'anque'l criteriu de intelixibilidá idealmente tendría que poder ayudar a estremar les variedaes d'una llingua de les variedaes d'otra llingua distinta, na definición avezada de llingua esisten condicionantes extralingüísticas distinta de la intelxibilidá mutua. Esto pue trate considerando un par d'exemplos dientro de les llingües xermániques. Per un sitiu, el danés, el suecu y el noruegu son mutuamente intelixibles anque por factores sociopolíticos considérase que son idiomes distintos. Per otru llau, delles de les variedaes rurales etiquetaes como "alemán" son intelixibles pa falantes de variedaes de "neerlandés" pero non pa falantes d'otres variedaes d'alemán.
El tratamientu espacial de los procesos llingüísticos al traviés de la delimitación xeográfica d'un continuum dialeutal venía siendo una idea común na filoloxía clásica. Pretendíase ingenuamente venceyar la intelixibilidá de la llingua al namái fechu del distanciamientu espacial, por aciu un tratamiento diacrónicu llinial de la evolución de les llingües. Anguaño, l'empléu d'estos esquemes suelen ponese en tela de xuiciu por partir del presupuestu de la esistencia de comunidaes llingüístiques homoxénees, lo qu'en realidá non siempres se da. La llingüística moderna punxo de manifiestu'l calter discontinuu de la tresmisión de los procesos llingüísticos. La evolución d'aquellos vendría condicionáu por dos factores: les situaciones de diglosia y billingüismu por razón de la convivencia de comunidaes llingüístiques hetereogéneas (criollización)[1] y la periodificación, nel que comunidaes culturalmente homoxénees, vuélvense sobre si mesmes, al ponese en peligru la mesma esistencia de la comunidá llingüística, o se confunden con otres por razón del predominiu económicu o políticu d'una comunidá sobre la otra. Esta última idea ye'l principal argumentu dau por Banniard pa esplicar el procesu de fragmentación de les Llingües romániques, nel que la evolución natural de la llingua llatina, relativamente estable nun momentu dau, (continuum dialeutal), veríase sometida a una serie de fenómenos estraordinarios que pondríen en riesgu la mesma integridá de les diverses comunidaes llingüístiques, invasiones, retrocesu demográficu, situaciones de dominiu políticu, treslláu y aislamientu de conxuntos poblacionales... esto daría llugar a l'apaición d'una serie de soluciones qu'aprucen na so evolución natural y determinaría la creación d'universu islla o situaciones particularizadas. Nestos contestos rompería la evolución llinial de la llingua al quedar atayada la mutua interferencia de los procesos llingüísticos.[2]
Dende'l puntu de vista fonéticu, güei sábese que los cambeos fonéticos presentes en toles llingües amuesen una regularidá induldable, pero siempres que se dean dientro d'unes llendes xeográfiques y temporales homoxénees. Esta relativa regularidá reparada primero na comparanza de les llingües indoeuropees antigües, y dempués en dellos grupos modernos especialmente'l xermánicu y el llatín, dio llugar a la esposición de principios fonéticos universales, les llamaes lleis fonétiques. Estos principios universales fueron espuestos a una fonda crítica pol estructuralismu. La investigación llingüística moderna parte d'una formulación relativizada de los procesos llingüísticos, que s'asitia na siguiente formulación: «fonemes iguales de pallabres distintes, van evolucionar nuna direición determinada siempres que se topen espuestos a les mesmes condiciones. Esti principiu postula la esistencia d'unos enclinos humanos universales, que los sos resultaos diverxentes hai qu'atribuyir a la diversidá de circunstancies fundamentalmente a la base articulatoria, l'acentu, la posición na sílaba, na pallabra y nel grupu fonéticu.
Según Gili Gaya estos enclinos podríen amenorgase al siguiente esquema:[3]
Pos bien estos procesos presenten un distintu calter dependiendo de la comunicabilidad de los procesos llingüísticos, debiéndose tener presente en concretu si la comunidá ta n'espansión o en regresión o si la comunicabilidá d'estos procesos ye mutua (billingüismu) o ye unidireccional (diglosia).
La espansión d'una llingua como'l inglés nos nuesos díes o'l llatín na edá antigua, determinaron un enclín a la medría de los procesos erosivos de la llingua, por aciu una relaxación y/o espansión de la llei fonética común que-y dexara llegar al mayor númberu d'interlocutores. Frente a esta gastadura, la llingua, sicasí, va caltener un relativu equilibriu (intelixibilidá) magar los enclinos centrífugos, atendíu'l mayor númberu de los procesos comunicativos. Esta espansión sicasí pue llegar a colapsase, dando llugar a una rápida fragmentación, cuando de resultes de situaciones catastrófiques la comunicabilidá escai drásticamente, produciéndose entós una rápida fragmentación de la llingua.[4]
Nel supuestu de llingües en procesu de regresión, la reacción del falante va depender del so contestu social y de la mayor o menor integridá del grupu. Si atopamos ante un grupu zarráu que tienda aisllase ante una intromisión estraña lo normal va ser que se tienda a escurecer de la pronunciación rompiendo la intelixibilidá del grupu coles comunidaes coles qu'hasta entós taba venceyáu. Sicasí cuando'l contestu social queda sometíu a una rellación de subordinación, pensemos en situaciones de diglosia, l'enclín va ser la de reforzar la pronunciación pa consiguir comunicase de la meyor manera posible.
Dacuando, la definición xeográfica de contínuum geolectal estendióse a otros contestos como, por casu, les variedaes diastráticas o variantes sociales. Con eso llógrase definir un contínuum sociolectal.
Exemplos de continuos sociolectales seríen:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.