Eclís
eventu astronómicu au un cuerpu celeste bloquia visualmente a otru / From Wikipedia, the free encyclopedia
L'eclís (del griegu Έκλειψις, Ekleipsis, que quier dicir 'desapaición', 'abandonu') ye un fenómenu nel que la lluz procedente d'un cuerpu celeste ye bloquiada por otru, de normal denomáu cuerpu eclipsante.[1] Esisten eclises del Sol y de la Lluna, qu'asoceden solamente cuando'l Sol y la Lluna s'allinien cola Tierra d'una manera determinada. Esto asocede mientres delles llunes nueves y llunes llenes.
Sicasí, tamién pueden asoceder eclises fuera del sistema Tierra-Lluna. Por casu, cuando la solombra d'un satélite proxéutase sobre la superficie d'un planeta, cuando un satélite pasa pola solombra d'un planeta o cuando un satélite proxeuta la so solombra sobre otru satélite.
Un eclís, lo mesmo que los tránsitos y les ocultaciones, ye un tipu de sizigia.