Exércitu Popular de Lliberación
From Wikipedia, the free encyclopedia
L'Exércitu Popular de Lliberación (EPL) ye l'exercito nacional de la República Popular China. Foi establecíu'l 1 d'agostu de 1927 (celebráu añalmente como "Día del Exércitu Popular de Lliberación"), como la caña militar del Partíu Comunista de China (PCC). Anque la República cunta con un ministeriu de defensa nacional, ésti nun exerz nengún comandu sobre l'exércitu. Les fuercies armaes del Partíu Comunista de China funcionen como l'exércitu "de facto" del país. La so insinia consiste nun rondel con una estrella colorada que porta los calteres chinos pa primero del octavu, día (1 d'agostu) de la Revuelta de Nanchang.
Exércitu Popular de Lliberación | |
---|---|
País | República Popular China |
Función | Defensa nacional |
Tamañu | aproximao 3,440,000[1] y 1,200,000 de reserva[1] |
Representen les fuercies armaes más grandes del mundu, con alredor de 3 millones de persones, amás del exércitu más estensu, con 200 millones d'homes aproximao. L'exércitu chinu ta formáu por cinco fuercies principales que consisten nes Fuercies Terrestres del Exércitu Popular de Lliberación, l'Armada del Exércitu Popular de Lliberación, la Fuercia Aérea del Exércitu Popular de Lliberación, el Segundu Cuerpu d'Artillería (encargáu del armamentu nuclear estratéxicu) y les Fuercies de Reserva del Exércitu Popular de Lliberación. La Policía Armada Popular, una fuercia paramilitar sol control dual de la Comisión Militar Central y el Ministeriu de Seguridá Pública de China dacuando son confundíes como cañes del EPL (dambes tán so xurisdicción de la Comisión Militar Central).
El serviciu militar ye obligatoriu, en teoría, pa tolos homes mayores de 18 años. Les muyeres munches vegaes cumplen con servicios médicos, veterinarios y otres clases de servicios téunicos.
Ta sol comandu de la Comisión Militar Central del Partíu Comunista de China; esiste una comisión idéntica nel gobiernu, pero nun tien una independencia clara. El Ministeriu de Defensa Nacional, qu'opera sol Conseyu d'Estáu, nun exerz nenguna autoridá sobre l'Exércitu y tien muncho menos poder que la Comisión. El Ministru de Defensa Nacional asegura'l control del Partíu Comunista sobre les Fuercies Armaes y el so rol primariu ye d'enllaz oficial con militares estranxeros. Los líderes militares y políticos concentraron los sos esfuercios en crear una fuercia militar profesional pa la defensa nacional y p'aprovir asistencia nel Desarrollu Económicu local y en alministración de desastres. Esto rique la formación d'oficiales especializaos que puedan entender l'armamentu modernu y remanar operaciones d'armes combinaes.
Les tropes a lo llargo del país tán aparcaes en siete rexones militares y más de venti distritos militares.