Filosofía contemporánea
From Wikipedia, the free encyclopedia
La filosofía contemporánea ye'l periodu actual de la historia de la filosofía. Por estensión, llámase tamién con esti nome a la filosofía producida por filósofos qu'entá tán vivos. Ye'l periodu que sigue a la filosofía moderna, y el so entamu suelse afitar a finales del sieglu XIX o principios del sieglu XX.
Les tradiciones filosófiques más significatives y abarcadores del sieglu XX fueron la filosofía analítica nel mundu anglosaxón, y la filosofía continental na Europa continental.[1] El sieglu XX tamién vio'l surdimientu de nueves corrientes filosófiques, como'l positivismu lóxicu, la fenomenoloxía, l'esistencialismu y el postestructuralismo.
Nesti periodu la mayoría de los filósofos más importantes trabayaron dende les universidaes, especialmente na segunda metá del sieglu.[1] Dalgunos de les temes más aldericaes fueron la rellación ente'l llinguaxe y la filosofía (esti fechu dacuando ye llamáu «el xiru llingüísticu»). Los principales esponentes d'esti xiru» fueron Martin Heidegger na tradición continental y Ludwig Wittgenstein na tradición analítica.