Fósil
From Wikipedia, the free encyclopedia
Los fósiles (del llatín fossilis, que significa 'escaváu') son los restos o señales de l'actividá d'organismos pretéritos.[1] Dichos restos, calteníos nes roques sedimentaries, pueden sufrir tresformamientos na so composición (por diagénesis) o deformaciones (por metamorfismu dinámicu) más o menos intenses. La ciencia que s'ocupa del estudiu de los fósiles ye la paleontoloxía. Dientro de la paleontoloxía tán la paleobioloxía, qu'estudia los organismos del pasáu —entidaes paleobiológicas, que conocemos solo polos sos restos fósiles—, la biocronoloxía, qu'estudia cuándo vivieron dichos organismos y la tafonomía, que s'ocupa de los procesos de fosilización.