Galaxa espiral M100
From Wikipedia, the free encyclopedia
Messier 100 (tamién conocíu como NGC 4321) ye una galaxa espiral a unos 52,5 millones d'años lluz na constelación Coma Berenices. Afayóse por Pierre Méchain en 1781. Ye una de les galaxes más grandes y brillantes nel cúmulu de Virgu, con una lluminosidá similar a la de la Galaxa d'Andrómeda. Identificáronse cinco supernoves nel M100: SN 1901B, SN 1914A, SN 1959Y, SN 1979C y SN 2006X.
Messier 100 | ||
---|---|---|
M100 y los sos galaxes satélite. | ||
Datos d'observación (dómina J2000) | ||
Tipu | SAB (s)bc[1] | |
Ascensión reuta | 12h 22m 54.9s[1] | |
Declinación | +15° 49′ 21″[1] | |
Distancia | 52.5 Mal[2] | |
Magnitú aparente (V) | 10.1[1] | |
Tamañu aparente (V) | 7′.4 × 6′.3[1] | |
Desplazamientu al bermeyu | 1571 ± 1 km/s[1] | |
Constelación | Coma Berenices | |
Carauterístiques físiques | ||
Magnitú absoluta | -21,9[3] | |
Otres designaciones | ||
NGC 4321 | ||
[editar datos en Wikidata] |
M100 ye una galaxa con biltu estelar, topándose ésti concentráu nun aniellu (en realidá, dos "minibrazos" espirales) alredor del nucleu y que tien un radiu de 1 quilupársec, esistiendo tamién una barra interna precisamente con ési radio y perfectamente alliniada cola barra principal. Dichu aniellu paez tar formando estrelles dende hai 500 millones d'años en dellos biltos de formación estelar dixebraos nel tiempu.
Ésta galaxa tien tamién cerca siquier dos galaxes elíptiques nanes: NGC 4323 y NGC 4328, tando xunida cola primera por una ponte de materia lluminoso, y (cómo asocede con numberoses otres galaxes espirales de Virgu) presenta ciertu déficit d'hidróxenu neutro, que -sacante na so rexón suroeste- nun llega más allá del discu estelar.[4][5]