La guerra de los Mercenarios, guerra d'África o guerra inexpiable (241-238 e.C. ) foi una guerra civil d'estraordinaria crueldá qu'afaró los territorios africanos de Cartago mientres trés años y cuatro meses.[6]
D'un llau atopábense la capital y les ciudaes lleales. Del opuestu, los mercenarios rebalbos que llucharen sol estandarte cartaxinés mientres la primer guerra púnica, aliaos cola mayor parte de les ciudaes africanes, súbdites de Cartago.
Mientres el conflictu, una nueva declaración de guerra de Roma provocó la perda pa Cartago de Córcega y Cerdeña, que pasaron a quedar sol dominiu del so rival. A pesar d'eso, nun esistió enfrentamientu armáu ente les fuercies de dambos pueblos.
La victoria final del exércitu de Cartago, dirixíu por Amílcar Barca, nun ameyoró enforma la situación. Les perdes humanu y económicu obligaron a Cartago a dirixir les sos mires escontra nuevos territorios que colonizar, colo que dio empiezu la conquista de la península ibérica.