Guinea
From Wikipedia, the free encyclopedia
Guinea[11] o de manera oficial República de Guinea (en francés: République de Guinée), y dacuando llamada Guinea-Conakri pa estremala d'otros países africanos como'l so vecín Guinea-Bisáu o Guinea Ecuatorial, ye un país d'África occidental, d'antiguo conocíu como Guinea Francesa. Llenda con Guinea-Bisáu y Senegal al norte, Malí al norte y nordeste, Costa de Marfil al sureste, Liberia al sur y Sierra Lleona al oeste.
Guinea | |||||
---|---|---|---|---|---|
estáu soberanu | |||||
| |||||
Lema nacional |
Travail - Justice - Solidarité (en francés: «Trabayo - Xusticia - Solidaridá») | ||||
Himnu nacional |
Liberté | ||||
Alministración | |||||
Nome oficial |
Guinée (fr) ߖߌ߬ߣߍ߫ (nqo) République de Guinée (fr) ߖߌ߬ߣߍ߬ ߞߊ߲ߓߍ߲ (nqo) | ||||
Capital | Conacri | ||||
Forma de gobiernu | República | ||||
Presidente de Guinea (es) | Mamady Doumbouya (es) (dende 1r ochobre 2021) | ||||
Primer ministro de Guinea (es) | Amadou Bah Oury (dende 27 febreru 2024) | ||||
Llingües oficiales | francés | ||||
División |
ver
| ||||
Rellaciones diplomátiques |
ver
| ||||
Miembru de |
ver
| ||||
Xeografía | |||||
Coordenaes | 10°N 11°W | ||||
Superficie | 245857 km² | ||||
% agua | despreciable | ||||
Costes | 320 km | ||||
Llenda con | 3399 km | ||||
Puntu más altu | Monte Nimba (es) | ||||
Puntu más baxu | Océanu Atlánticu | ||||
Demografía | |||||
Población | 12 717 176 hab. (2017) | ||||
Densidá | 51,73 hab/km² | ||||
Xentiliciu |
guineanu (masculín singular) guineana (femenín singular) | ||||
Esperanza de vida | 60,015 años | ||||
IDH | 0,465 (2021) | ||||
Tasa de fertilidá | 5,013 (2014) | ||||
Economía | |||||
Moneda | Francu guineanu | ||||
PIB nominal | 16 091 817 842 $ (2021) | ||||
Bancu central | Banco Central de la República de Guinea (es) | ||||
Más información | |||||
Dominiu d'Internet | .gn | ||||
Códigu telefónicu | +224 | ||||
Códigu ISO | 324 / GIN / GN | ||||
Estaya horaria | UTC±00:00 y Africa/Conakry (en) | ||||
presidence.gov.gn | |||||
Guinea ta estremada n'ocho rexones alministratives y subdividida de la mesma en 33 prefeutures.[12] Conacri ye la capital, la mayor ciudá y el centru económicu más importante. Otres ciudaes importantes son Kankan, Nzérékoré, Kindia, Labé, Guéckédou, Mamou y Boke.
Los 10 millones de guineanos pertenecen a 24 grupos étnicos. Los grupos más importantes son los n´ko, con un 40 %, los fula, con un 30 % y los susu, con un 20 %. Guinea ye un país predominantemente musulmán (85 %), con un porcentaxe significativu de cristianos católicos qu'habita les selves del sur del país.
Guinea ye un país bien ricu en minerales, incluyendo la bauxita, diamantes, oru y aluminiu. La so economía depende de l'agricultura y de la estracción minera.[13] Guinea ye un país subdesendolcáu que tien una parte importante de la so población (más del 60 %) per debaxo del estragal de la probeza. El francés ye la llingua oficial de Guinea y ye el llinguaxe más usáu nes escueles, l'alministración, los medios de comunicación y les fuercies de seguridá. Aun así caúna de les 24 tribus de Guinea tien la so propia llingua.
Guinea ye unu de los países afaraos pola epidemia de ébola de 2014 xunto a Liberia y Sierra Lleona, en que los sos países morrieron más de 4500 persones en total.[14]