He Xiangning
From Wikipedia, the free encyclopedia
He Xiangning (27 de xunu de 1878, Ḥong Kong británicu – 1 de setiembre de 1972, Beixín) foi una revolucionaria, feminista, política, pintora y poeta china.[1] Xunto col so home Liao Zhongkai, foi una de los primeros miembros del movimientu revolucionariu de Sun Yat-sen Tongmenghui. Como ministra d'Asuntos de la Muyer nel gobiernu nacionalista de Sun en Guangdong, defendió la igualdá de derechos pa les muyeres y entamó la primer manifestación de la China pal Día Internacional de les Muyeres el 1924. Dempués del asesinatu del so home'l 1925 y la persecución de Chiang Kai-shek a los comunistes el 1927, caltúvose alloñada de la política de partíos mientres dos décades, pero trabayó viviegamente pa entamar la resistencia contra la invasión xaponesa de la China.
He Xiangning | |||||
---|---|---|---|---|---|
Eleiciones: 3rd National Committee of the Chinese People's Political Consultative Conference (en) , 2nd National Committee of the Chinese People's Political Consultative Conference (en)
Eleiciones: 3rd National People's Congress (en) , 2nd National People's Congress (en) | |||||
Vida | |||||
Nacimientu | Ḥong Kong británicu, 27 de xunu de 1878 | ||||
Nacionalidá |
República Popular China República de China | ||||
Muerte | Beixín, 1 de setiembre de 1972 (94 años) | ||||
Sepultura |
Nankín Tomb of Liao Zhongkai and He Xiangning (en) | ||||
Familia | |||||
Casada con | Liao Zhongkai | ||||
Fíos/es | Liao Chengzhi | ||||
Estudios | |||||
Estudios |
Universidá de Muyeres de Xapón Joshibi University of Art and Design (en) | ||||
Oficiu | política, pintora, escritora, poeta, activista polos derechos humanos | ||||
Creencies | |||||
Partíu políticu |
Tongmenghui (es) Comité Revolucionario del Kuomintang de China (es) | ||||
El 1948 cofundó el Comité Revolucionariu del Kuomintang de la China. Ocupó dellos altos cargos dempués de la fundación de la República Popular de la China, como'l de vicepresidenta de la Conferencia Consultiva Política del Pueblu Chinu (1954-1964), vicepresidenta de l'Asamblea Popular Nacional (1959-1972), presidenta del Comité Revolucionariu del Kuomintang de la China (1960-1972) y presidenta d'honor de la Federación Nacional de Muyeres de la China.
He Xiangning foi una reconocida pintora de la Escuela Lingnan d'Arte Chino y exerció de presidenta de l'Asociación d'Artistes de la China na década de 1960. El 1997 inauguróse'l Muséu d'Arte He Xiangning a Shenzhen, y les sos pintures apaecieron en sellos chinos.