José Sanjurjo
From Wikipedia, the free encyclopedia
José Sanjurjo Sacanell (28 de marzu de 1872, Pamplona – 20 de xunetu de 1936, Estoril) foi un destacáu militar español mientres el primer terciu del sieglu XX, a quien el rei Alfonso XIII concedió'l títulu de marqués del Rif pola so participación mientres la guerra del Rif, cuantimás nel desembarcu d'Alhucemas.
Ocupó importantes puestos mientres la monarquía alfonsina, na Dictadura de Primo de Rivera y mientres los primeros tiempos de la Segunda República. Sicasí, nun tardó enforma n'alloñase del nuevu réxime republicanu y protagonizó un fallíu golpe d'estáu n'agostu de 1932, la popularmente conocida como Sanjurjada. En siendo deteníu y encarceláu, finalmente foi-y conmutada la pena de muerte y mientres los gobiernos del segundu bieniu republicanu llogró la escarcelación, exiliándose nel vecín Portugal.
En 1936 foi unu de los militares implicaos nel golpe d'Estáu de xunetu de 1936, y taba previstu que fuera'l comandante en xefe del bandu subleváu al entamu de la rebelión. El 20 de xunetu, cuando diba tomar l'avión pa treslladase a la zona sulevada y tomar el mandu, sufrió un accidente mientres el despegue de l'avioneta y finó.