Portugal

Portugal
	estáu soberanu
bandera de Portugal (es)	escudu de Portugal
Himnu nacional	Himno nacional de Portugal (es) ;
Alministración
Nome oficial	República Portuguesa
Capital	Lisboa (dende 1385)
Forma de gobiernu	República (dende 5 ochobre 1910)
Presidente de Portugal	Marcelo Rebelo de Sousa (dende 9 marzu 2016)
Primer ministru de Portugal	António Costa (dende 26 payares 2015)
Llingües oficiales	portugués ; mirandés
División	ver Distritu de Lisboa, Distritu de Leiria, Santarém (es) , Distritu de Setúbal, Beja (es) , Faro (es) , Évora (es) , Portalegre (es) , Castelo Branco (es) , Distritu de Guarda, Distritu de Coímbra, Distritu d'Aveiro, Distritu de Viseu, Distritu de Bergancia, Distritu de Vila Real, Distritu de Porto, Distritu de Braga, Distritu de Viana do Castelo, Madeira y Azores;
Rellaciones diplomátiques	ver Italia ; Brasil ; Alemaña ; Australia ; Cabu Verde ; Ucraína (27 xineru 1992); Santu Tomé y Príncipe ; Reinu Xuníu ; España ; Angola ; Arxentina ; Bulgaria ; Dinamarca ; Timor Oriental ; Indonesia ; Kosovu ; Marruecos ; Malta ; Mozambique ; Uruguái ; Taiwán ; Estaos Xuníos ; Serbia ; Rusia ; Armenia ; República Popular China ; India ; Xapón ; Bangladex ; Canadá ; Hungría ; Corea del Norte (15 abril 1975); ;
Miembru de	ver Xunión Europea (1 xineru 1986); Organización de les Naciones Xuníes (14 avientu 1955); Organización del Tratáu del Atlánticu Norte (4 abril 1949); Organización pa la Cooperación y el Desarrollu Económicos (4 agostu 1961); Conseyu d'Europa ; Axencia Espacial Europea ; Organización Mundial del Comerciu ; Observatoriu Européu Austral (2001); Organización pa la Seguridá y la Cooperación n'Europa (25 xunu 1973); Bancu Internacional de Reconstrucción y Fomentu (29 marzu 1961); Asociación Internacional de Fomentu (29 avientu 1992); Corporación Financiera Internacional (8 xunetu 1966); Organismu Multillateral de Garantía d'Inversiones (6 xunu 1988); Centru Internacional d'Arreglu de Diferencies Relatives a Inversiones (1 agostu 1984); Bancu Africanu de Desarrollu ; Bancu Asiáticu de Desarrollu (2002); Grupu d'Australia (1985); Comunidá de Países de Llingua Portuguesa ; Xunión Europea de Pagos ; Eurocontrol (1986); Tratado de Cielos Abiertos (es) ; Réxime de Control de la Teunoloxía de Misiles (1992)[1]; Interpol (1930)[2]; Grupu d'abastecedores nucleares [3]; Organización pa la Prohibición d'Armes Químiques (29 abril 1997)[4]; Centro de Coordinación de Movimientos Europeos (es) [5]; Organización Hidrográfica Internacional [6]; Axencia Internacional de la Enerxía [7]; UNESCO (11 marzu 1965, 11 setiembre 1974)[8]; Grupu d'Observaciones de la Tierra ; Xunión Postal Universal (1 xunetu 1875)[9]; Xunión Internacional de Telecomunicaciones (1 xineru 1866)[10]; espaciu Schengen (26 marzu 1995)[11]; Visa Waiver Program (1999)[12]; Organización Internacional de Proteición Civil (18 mayu 2000)[13]; Organización Meteorolóxica Mundial (15 xineru 1951)[14]; Organización Mundial de la Salú [15]; International Centre for Migration Policy Development (en) (2002); ;
Xeografía
Coordenaes	39°N 9°W
Superficie	91,905 km² (puestu 111)
% agua	0,5 %
Costes	1.793 km
Llenda con	1.214 km
Puntu más altu	Montaña del Pico (es)
Puntu más baxu	Océanu Atlánticu
Demografía
Población	10,561,614 (2011) hab. (2021)
Densidá	Error d'espresión: Operador ( inesperáu hab/km²
Xentiliciu	portugués[16]; portuguesa[17]
Esperanza de vida	81,12683 años
IDH	0,866 (2021)
Tasa de fertilidá	1,21 (2014)
Economía
Moneda	euru
PIB nominal	253 982 847 571 $ (2021)
Bancu central	Banco de Portugal (es)
Más información
Dominiu d'Internet	.pt
Códigu telefónicu	+351
Códigu ISO	620 / PRT / PT
Estaya horaria	UTC−01:00, Hora de Europa Occidental (es) , Horario de verano de Europa Occidental (es) , UTC±00:00 y Europe/Lisbon (en)
	portugal.gov.pt…

Portugal (o Pertual, en mirandés y llionés), oficialmente República Portuguesa, ye un país continental y atlánticu asitiáu nel suroeste d'Europa, na fastera occidental de la Península Ibérica y nel Atlántcu Norte. Tien una superficie de 92.391 km² y ye la nación más occidental d'Europa, llendando al norte y al este con España y al sur y al oeste col Océanu Atlánticu. El so territoriu inclúi los archipiélagos atlánticos d'Azores y Madeira, que son sendes rexones autónomes colos sos propios gobiernos rexonales.

Quick facts: Portugal, Himnu nacional, Alministración, Nom... ▼

Portugal ye l'estáu más antiguu de la Península Ibérica, y ún de los más vieyos d'Europa. Pol so territoriu pasaron y asentáronse bien de pueblos dende la dómina prehistórica: preceltes, celtes, cartaxineses, romanos, visigodos y suevos. Portugal, como país, establecióse demientres la nomada Reconquista cristiana, la guerra escontra los musulmanes qu'invadieran la Península Ibérica en 711. Pese a los intentos d'independizase de magar foi fundáu como un condáu en 868, nun sería hasta dempués de la batalla de San Mamede (1128) cuando los soldaos d'Afonso Henriques derrotaron a los que dirixía so ma, Teresa, cuando'l Condáu de Portugal afitaría la so soberanía y el propiu Afonso se proclamara a sigo mesmu Príncipe de Portugal. Sería proclamáu rei na batalla d'Ourique, en 1139, y reconocíu como talu polos reinos vecinos nel tratáu de Zamora (1143).

Nos sieglos XV y XVI Portugal estableció'l primer imperiu global, convirtiéndose nuna de les principales potencies económiques, polítiques y militares del mundu. Demientres esta época, conocida como Era de los Descubrimientos, los esploradores portugueses foron pioneros na esploración marítima, especialmente embaxu'l patrociniu del príncipe Enrique'l Navegante y del rei Xuan II, con viaxes tan notables como'l que llevó a Bartolomé Díaz más allá del Cabu de Bona Esperanza (1488), el descubrimientu de la ruta marítima a la India por Vasco da Gama en 1497-98 o'l descubrimientu de Brasil (1500).

Nestos sieglos Portugal monopolizó'l comerciu d'especias, y espardió'l so imperiu con campañes militares n'Asia. Por embargu, socesos como la destrucción de Lisboa por un terremotu en 1755, la Revolución Industrial, la Guerra de los Siete Años, la ocupación del país demientres les Guerres Napoleóniques y la independencia de Brasil (1822) foron acabando pasín ente pasu col poderíu portugués.

la revolución de 1910 acabó cola monarquía y estableció la Primer República Portuguesa, un réxime inestable que foi suprimíu pol réxime autoritariu de dereches conocíu como Estado Novo. La democracia habría volver dempués de la Revolución de los Claveles de 1974, que punxo fin a la Guerra Colonial Portuguesa. Perpoco dempués garantizóse-y la soberanía a cuasi tolos territorios d'ultramar; la devolución de Macáu a China en 1999 marcó'l final del que puede considerase l'imperiu colonial de mayor duración de tolos europeos.

Portugal dexó una importante influencia cultural y arquitectónica per tol mundu, un legáu de 300 millones de falantes de llingua portuguesa y de un garapiellu de llingües criolles de sustratu portugués. Ye un país desarrolláu, con un réxime republicanu xunitariu semipresidencialista, con una economía avanzada y altos estándares de vida. Ye miembru de les Naciones Xuníes, la Xunión Europea, la OTAN y la OCDE, y formó coles sos ex-colonies la Comunidá de Países de Llingua Portuguesa.