Matemáticu
From Wikipedia, the free encyclopedia
Un matemáticu (del llatín: mathēmāticus y esti de la mesma del griegu μαθηματικός mathēmatikós) ye una persona que la so área primaria d'estudiu ya investigación ye la matemática, ye dicir que contribúi con nueva conocencia nesti campu d'estudiu. En sentíu estrictu, un matemáticu ye un investigador nel área de les matemátiques. El términu anubre una gran gama de competencies y de práutiques bien distintes, que comparten un vocabulariu común y un formalismu específicu, según una esixencia de rigor mesma d'esta disciplina.
Ye capaz de convertir en fechos verificables les lleis formulaes en forma xeneral (resolución d'ecuaciones) y analiza la validez de diches lleis por aciu l'usu d'estadístiques. Usa, inventa, cavilga y esperimenta cola matemática col fin d'atopar nueves aplicaciones de los métodos matemáticos con vistes al so usu na investigación científica o na aplicación téunica.[1]
El términu xenéricu matemáticu puede decantase en dominios más acutaos, como por casu: xeómetra, alxebrista, analista, etc.