Miguel Miramón
From Wikipedia, the free encyclopedia
Miguel Gregorio de la Luz Atenógenes Miramón y Tarelo (29 de setiembre de 1832, Ciudá de Méxicu – 19 de xunu de 1867, Santiago de Querétaro)[2] foi un xeneral conservador mexicanu que destacó primero de manera especial mientres la Guerra de Reforma. Primero como segundu xefe y más tarde primer xefe del exércitu conservador consiguiendo grandes victories sobre l'exércitu lliberal. Yera conocíu como "el mozu Macabéu". En 1859 foi nomáu Presidente Interín de Méxicu pol Partíu Conservador so la ideoloxía del Plan de Tacubaya, n'oposición al Presidente lliberal Benito Juárez, quien aportara al poder siendo presidente de la Suprema Corte de Xusticia al traviés del arrenunciu d'Ignacio Comonfort. Miguel Miramón ye'l presidente más nuevu que tuvo Méxicu na so historia y mientres los siguientes dos años estremóse como'l máximu líder de los conservadores. Tamién foi'l primer presidente nacíu como ciudadanu mexicanu yá que tolos sos predecesores nacieron como súbditos del Virreinatu de la Nueva España.
Miguel Miramón | |||||
---|---|---|---|---|---|
← José Mariano Salas - José Ignacio Pavón →
← José Ignacio Pavón | |||||
Vida | |||||
Nacimientu | Ciudá de Méxicu, 29 de setiembre de 1832[1] | ||||
Nacionalidá | Méxicu | ||||
Muerte | Santiago de Querétaro, 19 de xunu de 1867[1] (34 años) | ||||
Causa de la muerte | mancada por arma de fueu | ||||
Familia | |||||
Padre | Bernardo de Miramón | ||||
Casáu con | Concepcion Lombardo | ||||
Estudios | |||||
Estudios | Heroico Colegio Militar (es) | ||||
Llingües falaes | castellanu | ||||
Oficiu | políticu, militar | ||||
Graduación | xeneral | ||||
Creencies | |||||
Partíu políticu | Partido Conservador (Mexico) (es) | ||||
En fracasando nel so intentu de ganar a Juárez en Veracruz, gracies a la intervención estauxunidense a favor de Juárez, la so bona suerte terminó, siendo derrotáu de manera definitiva na Batalla de Calpulalpan y con él tol Partíu Conservador. Tres la so derrota viose obligáu a abandonar el País xunto con Juan Nepomuceno Almonte y José María Gutiérrez d'Estrada, ente otros distinguíos conservadores. Nunca participó nes negociaciones que finalmente remataron na ufierta de la corona de Méxicu a Maximiliano d'Habsburgu en 1863. Tornó finalmente en 1867 tres la salida de los franceses pa ponese al serviciu de Maximiliano. Nel Sitiu de Querétaro foi derrotáu y prindáu xunto colos demás partidarios del Imperiu. Morrió fusiláu al llau de Maximiliano d'Habsburgu y Tomás Mejía.