Montes d'El Cáucasu
From Wikipedia, the free encyclopedia
El cordal del Cáucasu (rusu: Kavkazskiy Khrebet ) ye un gran cordal alcontráu ente'l mar Negru y el mar Caspiu, na rexón d'El Cáucasu, ente les cuenques del ríu Kubán y del ríu Terek, al norte d'Anatolia, y el ríu Irán, al sur. Munches vegaes foi consideráu la llende sureste d'Europa. El cordal ta formada por dos sistemes montascosos separaos:
- el Gran Cáucasu (en rusu Bolshói Kavkaz), o a cencielles Cáucasu, ye un gran cordal rectilliniu de 1.200 km de llargor, empobinada de noroeste a sureste, dende la Reserva Natural d'El Cáucasu, nes cercaníes de Sochi, na rexón de Novorosiisk, nel mar Negru, hasta y la península d'Apsheronsk, casi en Bakú, nel mar Caspiu.
- el Cáucasu Menor (en rusu Mali Kavkaz), que cuerre paralelu al sur de l'anterior, a unos 100 km de distancia media, d'estructura más complexa y que s'estiende cerca de 1.125 km al traviés de los montes del sur de Xeorxa y d'Armenia, siendo d'orixe volcánicu. La cordal Meskheti ye una parte del sistema del Cáucasu Menor.
Montes d'El Cáucasu | |
---|---|
cordal | |
Situación | |
Montes | Cinturón alpino (es) |
Coordenaes | 42°30′N 45°00′E |
Datos | |
Altitú | 5642 m y 2009 m |
Arquiteutura | |
Anchor | 160,000 m. |
Llargor | 1,200,000 m. |
Superficie | 477 165 km²[1] |
Dambos sistemes tán coneutaos pola cordal Likhi, que dixebra la Cólquida de la depresión Kura (tierres baxes de Kura). Na parte suroriental tán los montes Talysh. La zona al norte del Gran Cáucasu recibe'l nome de Circasia y el sur Transcaucasia, formada pol Cáucasu Menor y el altiplanu Armeniu.
Munches de los visos d'esti cordal superen los 4.500 m, siendo la más alta'l monte Elbrus, nel Gran Cáucasu. El cordal ye una gran barrera xeográfica, casi infranquiable, con pocos pasos y collado, siendo los más importantes el Daryal y el Mamison. Tien considerables recursos hidráulicos como los del Kura y pervalibles reserves de petroleu y gas natural.
Alministrativamente, el Cáucasu pertenez a Armenia, Azerbaixán, Xeorxa y Rusia (a les repúbliques autónomes de Karacháevo-Cherkesia, Kabardino-Balkaria, Ingusetia, Osetia del Norte - Alania, Chechenia y Daguestán).
Los montes cercanos a Sochi fueron la sede de parte de los Xuegos Olímpicos d'Iviernu de 2014.