Música clásica
From Wikipedia, the free encyclopedia
El términu música clásica apaez per primer vegada nel Oxford English Dictionary en 1836 y señala les composiciones europees más destacaes del sieglu anterior.[1] Ye'l nome habitual de la música culta, académica, docta y otros. Na historia de la música y la musicoloxía, ye la música del clasicismu o periodu clásicu (1750-1820); pero en sentíu popular y de muncha aceptación en mediu escritu, asina lo recueye la RAE, ye la música de tradición culta; les sos primeres lluces n'Europa asítiense aproximao en 1450. Esiste una espresión que toma casi tolos periodos pa definir la so dómina de mayor rellumanza: periodu de la práutica común.
Escontra 1950 la composición culta (cierta complexidá en notación ya instrumentación) empieza a asitiase mayormente fuera de la tradición anterior, per aciu la composición radicalmente atonal y disonante y otros enclinos opuestos.