Navasfrías
From Wikipedia, the free encyclopedia
Navasfrías (Navasfrias nel fala d'El Rebollar) ye un conceyu y llocalidá española de la provincia de Salamanca, na comunidá autónoma de Castiella y Llión. Intégrase dientro de la contorna de Ciudad Rodrigo y les subcomarcas del Campu de Carbayeda y El Rebollar. Pertenez al partíu xudicial de Ciudad Rodrigo y a la mancomunidá Alto Águeda.[3]
Navasfrías | |||||
---|---|---|---|---|---|
| |||||
Alministración | |||||
País | España | ||||
Autonomía | Castiella y Lleón | ||||
Provincia | provincia de Salamanca | ||||
Partíu xudicial | Ciudad Rodrigo | ||||
Tipu d'entidá | conceyu d'España | ||||
Alcalde de Navasfrías | Celso Ramos Blanco | ||||
Nome oficial | Navasfrías (es)[1] | ||||
Códigu postal |
37542 | ||||
Xeografía | |||||
Coordenaes | 40°17′47″N 6°49′12″W | ||||
Superficie | 59.69 km² | ||||
Altitú | 886 m[2] | ||||
Llenda con | Casillas de Flores, El Payo, Eljas, Valverde del Fresno y Sabugal | ||||
Demografía | |||||
Población |
370 hab. (2023) - 230 homes (2019) - 206 muyeres (2019) | ||||
Porcentaxe |
0% de provincia de Salamanca 0.02% de Castiella y Lleón 0% de España | ||||
Densidá | 6,2 hab/km² | ||||
Más información | |||||
Estaya horaria | UTC+01:00 | ||||
navasfrias.es | |||||
El so términu municipal ta formáu por un solu nucleu de población, ocupa una superficie total de 59,96 km² y según los datos demográficos recoyíos nel padrón municipal ellaboráu pol INE nel añu 2017, cuenta con una población de 469 habitantes.[4]
Ta asitiada nel estremu suroeste de la provincia, xusto na frontera con Portugal, a 136 km de la capital, llende oeste d'El Rebollar qu'abarca los términos de Navasfrías, El Payo, Villasrubias, Peñaparda y Robleda. Parte coles poblaciones d'Eljas y Valverde del Fresnu (provincia de Cáceres) pel sur y coles freguesías d'Aldeia do Bispo y Lajeosa (Portugal) pel oeste.
Atópase dientro del espaciu natural protexíu d'El Rebollar, qu'enllaza cola Reserva Natural de la Sierra de la Malcata, en Portugal.[5]
El so xentiliciu ye navasfrieño, tamién navasfrieñu na fala llocal del estremeñu, deriváu del idioma lleonés, nafrieñu según los vecinos valverdeirus, mañegus y lagarteirus falantes de la fala o pataterus según los habitantes de dellos otros pueblos próximos.