![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/85/LG_refrigerator_interior.jpg/640px-LG_refrigerator_interior.jpg&w=640&q=50)
Nevera
From Wikipedia, the free encyclopedia
La nevera[1] o'l frigoríficu[2] ye un dispositivu emplegáu principalmente en cocina y en llaboratoriu que consiste nun armariu aislláu térmicamente, con un compartimientu principal nel que se caltién una temperatura d'ente 2 y 6 °C y tamién, frecuentemente, un compartimientu extra utilizáu para conxelación (a −18 °C) llamáu conxelador.
El fríu produzse por aciu d'un sistema de refrigeración por compresión, alimentáu por corriente llétrica y, dacuando, por un sistema d'absorción usando como combustible querosenu o gas butanu. Amas, esisten delles teunoloxíes alternatives como la refrigeración magnética con distintos niveles de desenvolvimientu.
Ye unu de los electrodomésticos más comunes nel mundu.[ensin referencies]
Conozse como refrigeración al enfriamientu d'un cuerpu por tresferencia de calor. Delles aplicaciones típiques son el caltenimientu sobremanera d'alimentos, y tamién l'enfriamientu de bébores pa faer el so consumu más prestosu.