Organización territorial de Portugal
From Wikipedia, the free encyclopedia
Portugal tien una estructura alministrativa y organización territorial que va poder presentase daqué complexa si nun se tien en cuenta la so evolución histórica.
En Portugal un distritu alministrativu o, a cencielles, distritu, ye un territoriu y una división alministrativa con un nivel autárquico rexonal, o supramunicipal, dende 1835. Hasta entós el país taba estremáu en provincies que se subdividíen en contornes. La Llei de 25 d'abril de 1835 suprimió'l modelu de les provincies creando los 17 distritos nel continente y cuatro nes islles axacentes. En 1926 foi creáu tamién el distritu de Setúbal, alzando a 18 el númberu de distritos.[1]
La base de la organización política y alministrativa de Portugal ta compuesta por 308 conceyos, que se subdividen en 3.092 parroquies civiles o freguesíes (Cerca de 4 mil hasta la reforma alministrativa de 2013).
Los conceyos y les parroquies civiles atópense, pola so vez, arrexuntaos en dieciocho distritos alministrativos nel territoriu peninsular lusu y en dos rexones autónomes insulares (Archipiélagos de Madera y Azores, con Estatutos de 1976).