Pablo X. Suárez
escritor asturianu / From Wikipedia, the free encyclopedia
Pablo X. Suárez (1981, Samartindianes) ye un escritor asturianu. Ye llicenciáu en filoloxía hispánica pola Universidá d'Uviéu y escritor n'asturianu y castellanu.
Pablo X. Suárez | |
---|---|
Vida | |
Nacimientu | Samartindianes, 1981[1] (42/43 años) |
Nacionalidá | España |
Estudios | |
Llingües falaes |
castellanu asturianu |
Oficiu | escritor |
En poesía tien asoleyao'l poemariu Asturiana Beat (2005) cola editorial Trabe y El sistema débeme una chocolatina (2011) y en narración tien dellos premios na creación de cuentos como nel Concursu de Cuentos pola Oficialidá que convoca'l Conceyu de Bimenes o el X Concursu de Narraciones Curties Conceyu Llaviana, con El bichu grande (2011) y publicáu'l llibru de rellatos Yoni y yo (2010).
Tamién tien asoleyao en castellanu los poemarios: Pop Retórika (2009) y Cómo evitar el apocalipsis (2016).
Pablo X. Suárez tien collaborao en revistes asturianes como Lletres Asturianes, Entellunu, Campu de los Patos o Formientu. Asina mesmo collaboró col selmanariu Les Noticies con una columna d'opinión.
Nel añu 2017 fízose col Premiu Xuan María Acebal de poesía col poemariu Little Babilonia, destacando'l xuráu «el nivel llingüísticu y estilísticu, y la brillantez de les imáxenes d'un testu que xuega y entemez la tradición más clásica coles referencies más pop».[2] Igualmente, nel añu 2023 algamó'l Premiu Fernán Coronas de poesía pola so obra Entamos d'onomástica na so XXIX edición[3].