Parasicoloxía
From Wikipedia, the free encyclopedia
La parasicoloxía ye una pseudociencia[1] qu'estudia los fenómenos paranormales o fenómenos psi (como la perceición extrasensorial, telequinesia, telepatía, precognición, clarividencia, les esperiencies extracorpóreas, l'espiritismu y los poltergeist).
La parasicoloxía ye considerada una pseudociencia pola comunidá científica, yá que la mesma esistencia de los fenómenos paranormales nun ye demostrable científicamente.[2][3]
Dende l'añu 1996, la Fundación Educativa James Randi ufierta la suma d'un millón de dólares d'Estaos Xuníos a quien consiga, so condiciones controlaes y supervisaes de llaboratoriu, demostrar un solu fenómenu paranormal como los enantes mentaos. Hasta agora naide pudo faer una demostración satisfactoria y el premiu sigue ensin ser reclamáu.
Tolos trabayos sobre parasicoloxía fueron publicaos en revistes d'asociaciones dedicaes a la tema, como'l Journal of Parapsychology (1959-1968)[4] y el European Journal of Parapsychology (que dexó de publicar en 2010 por cuenta de la falta d'artículos).[5]