Peloponeso
From Wikipedia, the free encyclopedia
Peloponeso[1] (griegu: Πελοπόννησος, pronunciación clásica Pelopónnēsos; pronunciación moderna Pelopónisos) ye una península de Grecia, xunida al continente pol ismu de Corinto qu'anguaño ta cortáu pela canal de Corinto.
Peloponeso | |
---|---|
Alministración | |
País | Grecia |
Tipu d'entidá | península |
Nome llocal | Πελοπόννησος (el) |
Xeografía | |
Coordenaes | 37°20′59″N 22°21′08″E |
Superficie | 22200 km² |
Altitú media | 2407 m |
Demografía | |
El so nome provién d'un héroe mitolóxicu griegu Pélope, quien supuestamente conquistó tola rexón. Etimológicamente, Peloponeso significa 'islla de Pélope', a pesar de que namái foi una verdadera islla tres l'apertura de la canal de Corinto en 1893. Na Edá Media, llamábase-y 'Morea', debíu a la paecencia de la so forma con una fueya de moral.
Patrás (nel norte) y Kalamata son les úniques ciudaes importantes, onde se topen los principales puertos.
En 2004, el Peloponeso ganó una segunda conexón col continente tres la construcción de la Ponte de Ríu-Antirio.
Na rexón topa la ciudá d'Olimpia, centru relixosu de l'Antigüedá, onde se celebraron los primeros Xuegos Olímpicos, y la ciudá d'Esparta, una de les dos ciudaes-estáu hexemóniques nel periodu clásicu.