Primer viaxe de Colón
From Wikipedia, the free encyclopedia
El primer viaxe de Cristóbal Colón, o "Viaxe del Descubrimientu", foi una espedición marítima encabezada por Colón al serviciu de los Reis Católicos, Isabel y Fernando de Castiella y Aragón, que partió'l 3 d'agostu de 1492 del Puerto de Palos de la Frontera (anguaño n'Huelva, España). Participaron tres embarcaciones: la carabela Pinta, la carabela Niña y la nao Santa María, al mandu de Martín Alonso Pinzón, Vicente Yáñez Pinzón y Juan de la Cosa, respeutivamente. Según la versión de Bartolomé de las Casas, que ye l'aceptada mayoritariamente polos historiadores, les naves partieron de Palos el 3 d'agostu de 1492 y dirixiéronse a les Canaries, onde se tuvo qu'iguar el timón de la Pinta. El 16 de setiembre, les embarcaciones algamaron el mar de los Sargazos y el 12 d'ochobre llegaron a "la islla de Guanahani". Sicasí, según un estudiu publicáu en 1986 en revista National Geographic Colón llegó a Cayo Samaná, otra pequeña islla del archipiélagu de Les Bahames. Colón siguió col so periplu por El Caribe llegando a Cuba el 28 d'ochobre y a La Española el 5 d'avientu. El 24 d'avientu la Santa María llancó nes mariñes de La Española y colos sos restos instalóse'l Fuerte Navidá. La espedición entamó'l regresu'l 16 de xineru de 1493 y unos díes más tarde una nube dixebró los dos naves. La Pinta, al mandu de Pinzón, llegó a Baiona (Galicia) a finales de febreru y anunció a los Reis Católicos el descubrimientu.[1] Entrín y non, la Niña, na que viaxaba Colón, fixo esguila'l 17 de febreru na islla portuguesa de Santa María, nes Azores, y el 4 de marzu recaló en Lisboa, tres siete meses y doce díes de viaxe. El día 15 Colón tornó al puertu de Palos y el mes siguiente foi recibíu en Badalona polos reis.