Rayastán
From Wikipedia, the free encyclopedia
Rayastán (inglés: Rajasthan; en rajastaní, राजस्थाण, lliteralmente, 'Tierra de Reyes'[1]) ye unu de los ventinueve estaos que, xunto colos siete territorios de la Unión, formen la República de la India. La so capital ye Jaipur. Ta allugáu al oeste del país, llindando al norte con Punyab, al nordeste con Haryana y Uttar Pradesh, al este con Madhya Pradesh, al sur con Gujarat y al oeste con Paquistán. Con 342 239 km² ye l'estáu más estensu y con 68 600 000 habitantes en 2011, el séptimu más pobláu, por detrás d'Uttar Pradesh, Maharastra, Bihar, Bengala Occidental y Madhya Pradesh y Tamil Nadu.
Rayastán | |||
---|---|---|---|
| |||
Alministración | |||
País | India | ||
ISO 3166-2 | IN-RJ | ||
Tipu d'entidá | estáu de la India | ||
Capital | Jaipur | ||
Chief Minister of Rajasthan (en) | Bhajan Lal Sharma | ||
Nome oficial |
राजस्थान (hi) રાજસ્થાન (gu) | ||
Nome llocal |
राजस्थान (hi) રાજસ્થાન (gu) | ||
Llingües oficiales | Hindi | ||
División | |||
Xeografía | |||
Coordenaes | 27°N 74°E | ||
Superficie | 342269 km² | ||
Llenda con | Panyab, Haryana, Uttar Pradesh, Gujarat y Madhya Pradesh | ||
Demografía | |||
Población | 68 548 437 hab. (2011) | ||
Densidá | 200,28 hab/km² | ||
Más información | |||
Fundación | 26 xineru 1950 y 30 marzu 1949 | ||
rajasthan.gov.in | |||
Destaquen les ruines de la civilización del valle del Indo, en Kalibanga, l'asentamientu más antiguu descubiertu nel subcontinente indiu; los templos de Dilwara, un llugar de pelegrinación jain na única estación de monte de Rajasthan, el monte Abu, na antigua cordal Aravalli; el parque nacional de Keoladeo, nel este, cerca de Bharatpur, un sitiu Patrimoniu de la Humanidá[2] conocíu poles sos aves. Rayastán tien tamién dos reserves nacionales de tigres, el parque nacional Ranthambore, en Sawai Madhopur, y la reserva de tigres Sariska, n'Alwar.
L'estáu foi formáu'l 30 de marzu de 1949, cuando Rajputana —el nome adoptáu pol Raj británicu pa les sos dependencies na rexón[3]— foi incorporáu nel Dominiu de la India. La so capital y ciudá más grande ye Jaipur, tamién conocida como la ciudá rosa, que s'atopa nel llau oriental del estáu. Otres ciudaes importantes son Jodhpur, Udaipur, Kota, Ajmer, Bikaner, Bhilwara y Alwar. Rayastán ta estremáu en 33 distritos.
El clima ye bastante secu sacante na estación de los monzones que suel ser nos meses de xunetu y agostu.