La Rebelión Taiping foi una guerra civil con grandes connotaciones relixoses y sociales, qu'asocedió en China ente los años de 1851 y 1864, na que s'enfrentaron les fuercies imperiales de la dinastía Qing y el Reinu Celestial de la Gran Paz (en chinu tradicional: Tàipíng Tiānguó, 太平天國, Wade-Giles: T'ai-p'ing t'ien-kuo), qu'ocupó mientres el conflictu zones importantes del sur de China.
Datos rápidos Fecha, Llugar ...
Zarrar
Datos rápidos 1851 - 1864) ...
Rebelión Taiping (1851 - 1864) |
Jintian – 1ª Nankín – 2ª Nankín - Tianjing – Sanhe - Jiangnan - Shanghai - Cixi – 3ª Nankín |
Zarrar
El Reinu Celestial de la Gran Paz foi un estáu revolucionariu teocráticu gobernáu por un místicu cristianu de la etnia hakka llamáu Hong Xiuquan, un cristianu conversu que se proclamó rei de la nación y como'l nuevu Mesíes, inclusive declarándose hermanu menor de Xesucristo y unviáu de Dios para erradicar el cultu al demoniu.[3]
Les fontes más fiables envaloren el total de muertes en 20 millones de persones,[4] anque delles fontes reclamen que la cantidá de muertos llegó a 50 millones;[5] llegando a considerase esti conflictu como la guerra más sangrienta previa a la Segunda Guerra Mundial.
Namái la intervención de les potencies occidentales a favor del Imperiu Qing, el repentín suicidiu de Xiuquan en 1864 y l'incapacidá del so socesor, fueron les razones que menguaron la rebelión; sicasí, dexaba evidencia de la volatilidá social y económico que sufría China mientres la segunda metá del sieglu XIX, que desencadenaría posteriores rebeliones y derrocaría el gobiernu Imperial en 1911 cola Revolución de Xinhai.